منة عرفة: ماحدش يقدر يجبرني أبعد عن جوزي أو أفضل معاه.. أنا بحبه جدًا
نفت الفنانة منة عرفة، ما قاله طليقها محمود المهدي، حول أنهما انفصلا بسبب مكالمة من شخص أجبرت منة على اتخاذ هذه الخطوة.
وقالت منة عرفة خلال لقائها في برنامج تلفزيوني: ماحدش يقدر يجبرني أبعد عن جوزي أو يخليني معاه، أثناء المشاكل كان فيه النقابة وإلهام شاهين لما كانت القصة في أولها، ناس بتنصحني، وأنا باخد بالنصيحة والقرار في الأول والآخر قراري أنا، وأنا ماعملتش له حاجة عشان يضرني أحنا بينا كل خير.
وتابعت: أنا بحبه جدًا وبكن له كل الحاجات الحلوة، الفكرة في شوية حاجات بنتفق عليها لو ربنا يسرها لينا ومشينا فيها نكمل ليه ما نكملش، لو حصل عكس ده كل واحد هيكون بيضر أكتر ما بينفع.
وعن رأي والدتها في طلاقها من محمود المهدي، قالت: مامتي مش عاوزة خراب بيوت الطلاق بيكون بالنسبة ليهم حاجة كبيرة.
في سياق آخر، كشفت منة عرفة، أنها تحاول افتتاح مشروع خاص بها، كونها متضررة ماديًا، مشيرة إلى أن الضرر المادي الواقع عليها ليس بسبب قلة أعمالها ولكن بسبب أنها شخصية مسرفة، مضيفة: كل الناس عارفة أن شغلانة الفن مش قاعدة لك كل شخص ليه الكام سنة بتوعه وأنا متضررة ماديا لأني مسرفة جدا لو جالي 10 مليون مش بعرف أحافط عليها أو أحوش.
