مرتضى منصور ينفي شائعة وفاته: أنا تاعبكم أوي ولموا نفسكم
نفى مرتضى منصور، رئيس نادي الزمالك، شائعات وفاته في حادث اليوم الثلاثاء، بعد تداول عدد من مستخدمي مواقع التواصل الاجتماعي نبأ وفاته.
شائعة وفاة مرتضى منصور
وقال مرتضى منصور، في مقطع فيديو بثه عبر قناته على موقع يوتيوب: أنا بخير الحمد لله وأقف في النادي النهري الآن.
وأضاف مرتضى منصور: بقول للكلاب الضالة اللي بتطلع عليا شائعات كل شوية ده مات في حادثة ده ضربوه ده شتموه كفاية بقا بجد هو أنا قوي كده يعني؟
وتابع رئيس نادي الزمالك: بقول لمحمود الخطيب من فضلك لم لجانك أنت وممدوح عباس وأحمد سليمان وهاني شكري والعتال، لموا رجالتكم، واضح إني تاعبكم أوي، بعد رمضان في مفاجآت ليكم كلكم.
وواصل مرتضى منصور: بحمد رمضان لكن افرض أسرتي مش معايا زوجتي وبنتي وأحمد مرتضى وأمير مرتضى وزوجاتهم وأحفادي، أنا في النادي النهري شغالين فيه وبنفطر فيه عشان يخلص قبل العيد، مردفًا: هل ينفع إن زوجتك تُفاجئ أو ابنك أو حفيدك أو حفيدتك إن في حادثة، عيب.
وأكمل مرتضى منصور: لكل واحد كتب حرف في موقع أنا هحاسبه، في محكمة وفي نيابة ونائب عام، أنا تاعبكم أوي وهفضل تاعبكم أوي أوي ومفرتكم ولموا نفسكم عشان لما بطلع كلكم بتروحوا تعيطوا وانتوا عارفين بتروحوا تعيطوا لمين.
في سياق آخر، ينتظر الفريق الأول لكرة القدم بنادي الزمالك مواجهة مهمة أمام نادي المصري البورسعيدي يوم الخميس المقبل، لحساب الجولة 16 من بطولة الدوري الممتاز.
