عصام شعبان عبد الرحيم: أبويا مات زعلان مني.. وابني مش جدع معايا
تحدث عصام شعبان عبد الرحيم، نجل الفنان الشعبي الراحل شعبان عبد الرحيم، عن اللحظات الأخيرة في حياة والده، كما كشف تفاصيل خلافه مع أشقائه.
وقال عصام شعبان عبد الرحيم، خلال حواره مع الإعلامية راغدة شلهوب، في برنامجها سابع سما، المذاع عبر شاشة قناة النهار: اللي شوفته في عزاء والدي والناس الكتير اللي حضرت، دي مش موتة واحد شعبي ولا واحد عادي، لكنه مات هو زعلان مني ومن اخواتي، بس أنا حاسس إنه زعلان عليا، لأنه جالي في الحلم وباسني وطبطب عليا وقال لي حقك عليا واستحمل علشان خاطري، وأنا وعدوية أخويا كنا الأقرب لوالدي.
وتابع عصام شعبان عبد الرحيم متحدثا عن خلافه مع أشقائه: "المشاكل كانت بتحاصرني كأني سايق عربية وعايز أسيبها وأمشي من كتر ما أنا مش عارف ألاحق، في حاجات غريبة حصلت مع إن معندناش مشكلة بس هي فتنة، مكناش بنتخانق على الفلوس ولا الورث، ولكن كان عندنا أخ دماغه ناشفة وبيقاوح في حقه، وأول ما خده الموضوع خلص".
وأضاف موضحا ما حدث بين شقيقته وشقيقه الآخر عدوية: “حصل سوء تفاهم صغير بين عدوية وابن أختي، بعد ما حصل سوء التفاهم ده الناس بتقول له عمرو شعبان عبد الرحيم، قال له أنت اسمك عمرو محسن، ومتجبش سيرة جدك على لسانك، ابن اختي زعل من كلام عدوية، وجري وراه بالعربية وحصل خلاف وده اللي زعل عدوية، وأنا تدخلت والموضوع خلص على كده”.
كما تحدث عن علاقته بنجله من زوجته السابقة، موضحا أنه يراه ولكن ليسوا على وفاق قائلا: بشوفه ولكنه مش جدع معايا، بقول له نفسي ومنى عيني تبقى ماشي معايا كأن معايا دكر كده في الشارع، أي حد يخبطني ولا حاجة تبقى واقف في ضهري، ولكنه يسمع الكلمتين ولا كأنه سمع حاجة ويمشي".
واستطرد: “سبب خلافي مع ابني أنه زهق من عند أمه بعد 27 سنة، وجاي عايز ينام عندي، طب أنا هنيمه إزاي وأنا معايا 3 بنات كبار؟، قولت له روح مكان أسكن فيه وأنا هدفع لك الإيجار دي فيها حاجة؟، أنا مش هقصر معاه، ولكن معنديش حنية عليه من كتر ما نزعوها من قلبي، أنا حسيت بالندم على أولادي”.
ووجه عصام شعبان عبد الرحيم، رسالة إلى أشقائه قائلا: عشان أبوكم أنسوا أي حاجة فاتت، عشان التراب اللي أبوكم كان بيمشي عليه.
