الحلقة 28 الاختيار 3.. السيسي يعرض بيان القوات المسلحة بشأن أحداث 30 يونيو على مرسي قبل إذاعته
عرضت الحلقة الـ 28 من مسلسل الاختيار3، لقاء الفريق أول عبدالفتاح السيسي، بالرئيس المعزول محمد مرسي لعرض بيان القوات المسلحة على ما يحدث في 30 يونيو على مرسي قبل إذاعة البيان.
ليرد مرسي، مش قادر أفهم ده تحذير ليا يعني، ليرد السيسي: لأ ده طلب رجاء من الجميع أن يضعوا مصلحة البلد أمامهم، وأن القوات المسلحة لن تسمح بدخول البلد في دائرة العنف وحدوث اقتتال داخلي، وتصبح شبه بلاد أخرى.
ليرد مرسي: خلي بالك برضو يا سيادة الفريق إن المعارضة دي كلها كلام وبس، ملهمش وجود حقيقي على الأرض واللي في الشارع دول كلهم مؤيدين، ليرد السيسي: حجم التظاهرات المعارضة كبير يا سيادة الرئيس، ليرد مرسي: لا كبير ولا حاجة يا سيادة الفريق دول كلهم 120 ألف، هما بس بيزودوها بالجرافيكس.
ليرد السيسي: فخامة الرئيس أنا ممكن أجيب لحضرتك فيديوهات التصوير الجوي واللي بتبين العدد الحقيقي الموجود في الشارع، الموضوع أكببر بكتير من اللي حضرتك بتقول عليه ده، صدقني يافندم الحل اللي بنعرضه دلوقتي ده هو أفضل حل ممكن يتم طرحه في الوقت الحالي، على العموم يافندم أنا كان لازم أبلغ حضرتك بالبيان قبل مايتذاع.
