ملخص الحلقة 28 من الاختيار 3.. تظاهرات 30 يونيو وتسريب جديد للسيسي والشاطر
شهدت الحلقة 28 من مسلسل الاختيار 3، رصد جهاز الأمن الوطني مخططا من قبل العناصر الإرهابية لاستخدام إحدى السيدات في تفجير مقر الكتيبة 101 في العريش عن طريق حزام ناسف، إلى جانب رصد جهاز المخابرات العامة عملية دخول ضباط مخابرات أجانب قبل 30 يونيو.
واستعرضت الحلقة لقاء الفريق أول عبدالفتاح السيسي، مع اللواء عباس كامل لمتابعة تظاهرات 30 يونيو.
وقال: السيسي: الشعب المصري خاف على وسطيته، على مستقبله، نزل عشان يقول لا مش هعيش بالطريقة دي، اللي بيحصل دا بيحط القوات المسلحة قدام مسئولية كبيرة تاريخية.
وشهدت الحلقة لقاء عدد من قيادات جماعة الإخوان المسلمين، والتي استعرضت فيه عددا من الخيارات لمواجهة التظاهرات، حيث اقترح خيرت الشاطر تفعيل الخطة أ والتي فسرها محمود عزت بـ حرق كل شيء وحرق الدولة.
وقال الشاطر: مش هنسيب البلد غير بالدم ولو مشينا مش هنسيب لهم بلد يحكموها.
كما عرضت تسريبا جديدا يجمع خيرت الشاطر، نائب المرشد في جماعة الإخوان المسلمين واللواء عبد الفتاح السيسي.
السيسي وجه الحديث للشاطر قائلًا: اللي يخاف مايحكمش، الكلمة دي أنا بقولها دائمًا يا عباس، دا اللي عايز يعمل إنجاز حقيقي، ودي الناس اللي بتقفز ببلادها، يشوف مَواطن الخراب والعوار فين ويروح داخل عليها بلا تردد وبدون ظلم. ليرد الشاطر: مش قضية خوف.
واستعرضت الحلقة لقاء الفريق أول عبدالفتاح السيسي، بالرئيس المعزول محمد مرسي لعرض بيان القاوت المسلحة على ما يحدث في 30 يونيو على مرسي قبل إذاعة البيان.
مسلسل الاختيار 3
ليرد مرسي، مش قادر أفهم ده تحذير ليا يعني، ليرد السيسي: لأ ده طلب رجاء من الجميع ان يضعوا مصلحة البلد أمامهم، وأن القوات المسلحة لن تسمح بدخول البلد في دائرة العنف وحدوث اقتتال داخلي، وتصبح شبة بلاد أخرى.
ليرد مرسي: خلي بالك برضو يا سيادة الفريق أن المعارضة دي كلها كلام وبس ملهمش وجود حقيقي على الأرض واللي الشارع دول كلهم مؤييدين
ويرد السيسي: حجم التظاهرات المعارضة كبير يا سيادة الرئيس.
ليرد مرسي: لا كبير ولا حاجة يا سيادة الفريق دول كلهم 120 ألف، هما بس بيزودوها بالجرافيكس.
ليرد السيسي: فخامة الرئيس أنا ممكن أجيب لحضرتك فيديوهات التصوير الجوي واللي بتبين العدد الحقيقي الموجود في الشارع، الموضوع أكببر بكتير من اللي حضرتك بتقول عليه ده، صدقني يافندم الحل اللي بنعرضوا دلوقتي ده هو أفضل حل ممكن يتم طرحه في الوقت الحالي، على العموم يافندم أنا كان لازم أبلغ حضرتك بالبيان قبل مايتذاع.
