مفاجأة.. المدرس المتهم بالتحرش بفتاة في حدائق الأهرام يعمل ببنك الدم | خاص
كشفت التحقيقات في واقعة اتهام مدرس يدعى خ. م 40 سنة، بملامسة فتاة ومحاولة التحرش بها أثناء درس خصوصي، في حدائق الأهرام، ان المتهم تعرف على والدة المجني عليها عن طريق مواقع التواصل الاجتماعي أثناء بحثها عن مدرس خصوصي وأقنعها بإعطاء ابنتها درس خصوصي داخل المنزل.
وأوضحت التحقيقات التي حصل عليها القاهرة 24، ان المتهم يعمل موظف في بنك الدم، ويعمل في الدروس الخصوصية فترة مسائية.
ووجهت جهات التحقيق إلى المتهم تهمه التحرش وملامسة فتاة أثناء الدرس الخصوصي
س / ما اسمك ؟
اسمى: خ. م
س/ كم عمرك ؟
السن: 40 سنة.
ما هي وظيفتك
اعمل: موظف ببنك الدم.
س: ما تفصيلات ما حدث، وما هي ظروف ضبطك وعرضك علينا اليوم ؟
ج: "هو اللي حصل إني بشتغل مدرس علوم إنجيليزي والست اللي اسمها ميرفت رياض وهي صديقة عندي على الفيس، وأنا شوفت استوري كانت هيا منزلاها هي وبنتها وأنا دخلت كلمتها وسألت على بنتها عادي وقولتلها أخبارها ايه في العلوم قالتلي إن هي محتاجة مدرس ليها يجي البيت، وأنا وافقت واتفقت على أن الدرس بمبلغ ١٥٠ جنيها ورحت أول مرة درستها لمدة ساعتين وبعدها هما كلموني ثلاث أو أربع مرات". وأضاف: “ قالولي تعالى أنت مجتش ليه ورحت يوم الخميس أول امبارح 28/ 4 / 2022 الساعة 10 ونص بليل البيت في حدائق الاهرام واعدنا شغالين لحد الساعة 12 ونص بليل وفجأه لقيت البنت سلمى جريت على الأوضة وقفلوا على نفسهم باب الأوضة، وأنا فضلت قاعد عادي وبعد كده لقيت ميرفت بتزعق وبتقول الحق عليا اني دخلتك البيت وقالتلي ازاي تحط ايدك على ايدها قولتلها محصلش وراحت هي ندهت على البواب بتاع العمارة والبوابين مسكوني".
وتابع: “بعد كده لقيت ميرفت بتصورني ونزلت الفيديو على الفيس والضباط وصلوا لى البيت وخدوني وبعد كده عملوا محضر صلح وبعدها مشيت روحت، والنهارده على الساعة ١٢ ونص بعد نص الليل لقيت في ضباط جولي البيت وخدوني على قسم المنيرة الغربية، وبعدها ودوني على قسم حدائق الأهرام، وبعد كدة ودوني على قسم الهرم وجابوني هنا على النيابة وهو ده كل اللي حصل”.
