دفاع زياد العليمي يشكر لجنة العفو الرئاسي بعد تسهيل زيارة موكله
وجّه المحامي أحمد فوزي، عضو فريق الدفاع عن البرلماني السابق زياد العليمي، في قضية خلية الأمل الشكر لـ لجنة العفو الرئاسي للجهود التي بذلتها اللجنة من أجل تمكينه من زيارة موكله.
وكتب فوزي في منشور على موقع فيسبوك: النهاردة زرت الصديق العزيز زياد العليمي في محبسه، وكان معي صديق العمر د. يوسف عواض المحامي، الزيارة النهاردة جت بمجهود من لجنة العفو الرئاسي، واللي عمل فيها المجهود الأكبر الصديق طارق العوضي اللي عايز أشكره لأني لم أتمكن من زيارة زياد منذ صدور الحكم عليه هو وهشام وحسام، وهو يوم لا عايز أفتكر تاريخه ولا منطوق الحكم لحظة بحاول أنساها، رغم إني تجاوزها بالتأكيد صعب".
دفاع زياد العليمي
وأضاف فوزي: أتصور إنى زياد كان سعيد بالزيارة، حالته المعنوية جيدة، بيوصل سلامه للكل، وبيشكر كل الناس اللي بتفتكره وبتدعيله، وقالى إنه سعيد بخروج حسام رفيق زنزانته لأيام طويلة، وكل الناس اللي اتفك حبسها، كل أمنياتي إني تكون الزيارة دي بداية لحل مشكلة زياد اللي طولت أوي سنوات محروم من ابنه وأمه وأخوه وعائلته ومكتبه.
وأردف بـ بكرر شكري للجنة العفو، اللي أتمنى أن يتم النقاش حول عملها وآليات العمل بموضوعية وتقديم اقتراحات، زي ما اشتبك كده الصديق خالد علي وقدم نقط واقتراحات، أو النائب أنور السادات، والاستاذ نجاد البرعي وغيرهم، وأن يتقبل أعضاء اللجنة أي نقد لأن أي عمل عام محل النقد، والنقد عندى لا يعني الشتيمة واستخدام مصطلحات لا تصح في السياسة ولا في أي مجال، أن نقيم اللجنة وعملها ونساعدها، وفق معطيات واضحة قدامنا وظروف إحنا فيها".
وواصل: وتقديم أي مساعدة تمكن المحبوسين لسنين طويلة من انفراجة أزماتهم، سواء اللي حصلوا على أحكام زي زياد وهشام وعلاء وباقر، أو اللي بيتداول جلسات النظر في تجديد حبسهم ربنا يفك ضيقة كل المحبوسين، ويفرجها عليهم وعلى أسرهم، نشكر إدارة مجمع سجون طرة وسجن المزرعة على حسن الاستقبال وتسهيل مهمتنا.
