خالد الجندي لمنكري العمل بالسنة: هل عندك آية في القرآن بتقول الظهر والعصر كام ركعة؟ | فيديو
رد الشيخ خالد الجندى، عضو المجلس الأعلى للشئون الإسلامية، على منكري السنة النبوية، قائلا: أنتم بتقولوا يجب العمل بالقرآن الكريم فقط، طيب إجمالا ولا تفصيلا، طيب القرآن قال لنا وأقيموا الصلاة، ده إجمالا، هل عندك ايه فى القرآن بتقول الظهر أو الفجر كام ركعة ولا عرفناها من السنة تفصيلا.
أهمية السنة النبوية في تفصيل القرآن
وتابع الجندى، خلال حلقة برنامج لعلهم يفقهون، المذاع على فضائية dmc، اليوم الثلاثاء: القرآن الكريم جاء مجملا، إلا بعض الآيات جاءت مفصلة مثل آيات المواريث مثلا، إذن طالما القرآن الكريم إجمالا يبقى احنا محتاجين اللى يفصل لنا، وهى السنة.
خالد الجندي يدافع عن محمد الطاروطي
وفي سياق آخر، قال الشيخ خالد الجندي، عضو المجلس الأعلى للشئون الإسلامية، معلقا على أزمة القارئ الشيخ محمد الطاروطى، إنه يتعجب من كل هذه ردود الفعل، مردفا: "ليه كل ده الدنيا مقلوبة علشان الراجل غلط فى آية أثناء قرآن الفجر بإذاعة القرآن الكريم، وخرج للناس واعتذر وقال القرآن غالب وغير مغلوب.
وأضاف عضو الأعلى للشؤون الإسلامية، خلال حلقة برنامج لعلهم يفقهون، المذاع على فضائية dmc، اليوم الثلاثاء: خدوا بالكم احنا مش بنتكلم على فكر، عشان محدش يقول بتهاجم السلفيين، وده خطأ فى القرآن ومش بيهاجمه، لا احنا بنتكلم عن حفظ، وجل من لا يسهو.
