سيدة بـ 100 راجل..قشطة تحمل ألف طوبة يوميًا لتربية أبنائها وتحلم بتكريم الرئيس لها
مع شروق شمس كل يوم، تستيقظ السيدة قشطة المقيمة بقرية سرنجة التابعة لمركز ميت غمر في محافظة الدقهلية، وتذهب إلي عملها الشاق والتي وصفته بأنه يصعب علي الرجال العمل فيه، ولكنها تفكر في تعبها لا تحمل هما سوى كسب لقمة العيش، بعدما تملك اليأس والفقر منها، وباتت هي رب الأسرة لأولادها الـ7 بعد انفصال زوجها عنها.
سيدة بـ 100 راجل..قشطة بتشيل الف طوبة يوميًا لتربية أبنائها وتحلم بتكريم الرئيس لها
وقدم القاهرة 24 بثًا مباشرًا مع السيدة قشطة لتروي قصة كفاحها وقالت: أنا تزوجت من حوالي 17 سنة وكنت زوجة ثانية وخلفت ابني ولكن الظروف كانت صعبة فاضطررت للعمل نزلت أشتغل في الأراضي الزراعية وجمع الفواكه ولكن مكنش شغل دائم وأنا كنت عايشة بالإيجار وفي احتياج الجنيه وذهبت لمصنع الطوب علشان هو شغله مستمر واستمرت معاهم بقالي 15 سنة.
وأضافت قشطة: أنا بصحي الساعة 3 الفجر بروح الشغل وأسيب أطفالي الـ 7 إلـ أكبرهم عنده 15 سنة وأصغرهم عنده سنة، علشان أقدر أجيب اليومية الـ ب 50 وأجبلهم أكل وشرب وأحمل يوميًا أكثر من 5000 طوبة، وكان زوجي معايا مكنش بيصرف علينا ولاحتي كان يعرفنا وأنا الـ كنت بصرف وفيه ناس ساعدتني علشان أجيب المنزل الـ أنا عايشه فيه حاليًا.
وتابعت: أنا بعيش معاناة حقيقة وليس عندي أي عفش وولادي بيناموا علي الأرض ومديونه ب 6000 جنيه ولكن ربنا بيكرمني وعندي ابن مقدرتش أدخله مدرسة علشان مكنش معايا ثمن الملف ومليش أي دخل غير اليومية.
وختمت: أنا نفسي أكلم الرئيس لأن الرئيس هيحس بالغلابة الـ ازاي، ونفسي أدخل ابني المدرسة ويكون ليا مشروع.
