أم تستغل أبناءها للتربح من يوتيوب بتصويرهم وقت تلقيهم الحقن.. ونشطاء: جريمة بحق الأطفال
أطلقت أم تدعى أمينة قناة على موقع يوتيوب، مستغلة أطفالها الصغار للتربح من الفيديوهات التي تنتجها، وهو ما أثار حالة من الغضب بين النشطاء على مواقع التواصل الاجتماعي.
أم تستغل أطفالها على يوتيوب
محتوى أمينة أم لطفلين - ولد وفتاة - قائم على أطفالها، حيث أنتجت نحو 400 فيديو مع أطفالها، ويشمل الفيديو حياة الأطفال الخاصة من إعطائهم حقنة أو لبوس، مع وضع عنوان مثير على الفيديو، يقابل ذلك تحرش واضح من بعض المتابعين على أطفالها.
المطالبة بأخذ الأطفال منها
وطالب البعض على مواقع التواصل الاجتماعي بضرورة محاسبة تلك الأم، مشيرين إلى أنها ترتكب جريمة واضحة في حق أطفالها، وناشدوا المجلس القومي للأمومة والطفولة بالتدخل وأخذ إجراء قانوني ضدها.
كتبت إحدى الفتيات: حاسة إنها فيديوهات جاية من الديب ويب، مش ممكن فيه كدة، العيال دي هيطلعوا مشوهين نفسيا ده إن مكنوش أصلا جسمهم شايفينه مشاع لكل الناس، المفروض يتاخدوا منها بس يارب ما يطلع شوية عقليات ما يعلم بيها إلا ربنا يقولوا لا العيال هيبقوا أحسن مع مامتهم وحرام نحرم أم من عيالها.
وعلقت أخرى: كل دول مرضى نفسيين، إيه ده المفروض العيال ديه تتاخد منها، فين أبوهم، في حين قال مستخدم آخر: ديه مش أم أبدًا، الأمومة معنى جميل أوي وكبير أوي، وكتب آخر: المفروض يتقبض عليها وكل اللي عاملين كومنتات عندها.
وقال مستخدم: جماعة نركز هنا لو سمحتم، أنا شوفت القناة بتاعتها وغالبا دي خريجة معهد أو أكاديمية تمريض بير سلم غير معترف بيها من الدولة، لو عرفنا المستشفي اللي بشتغل فيها ممكن نبلغ عنها وعن المستشفي اللي بشتغل فيها بتهمة انتحال صفة ممرضة.
وأضاف: الناس دي متعرفش حاجة عن التمريض حرفيا، هما مجرد آلة بتنفذ من غير ما تعرف هي بتعمل إيه، ولا دا ليه ولا أي المخاطر من كدة.
