أورتيجا: بتأذي في أكل عيشي وبتحارب وبتشتم 24 ساعة
كشف المطرب الشعبي أورتيجا، أن هناك أشخاصًا يحاربونه لقطع رزقه، وهناك أشخاص مأجورة لتشويه صورته أمام جمهوره، مؤكدًا أنه لن يصمت على حقه.
وكتب أورتيجا تفاصيل ما يتعرض له في منشور عبر صفحته الرسمية بموقع فيس بوك، إذ كتب: يا جدعان هو اللي بيأذي حد في أكل عيشه، وبيحارب علشان يخليني ماشتغلش، وأكونتات بتتسرق مني وناس قاعدة 24 ساعة بتشتم عمال على بطال، نحب نقول إيه للناس دي.. وأنا عرفت كل حاجة علشان ربنا كبير أوي وكل حاجة بتبان، حتى ولو بالصدفة افرح لك يومين علشان مش بتدوم.. واللي جاي والله صدقني بيجيب جلطة.
واستكمل: أنا دايمًا في حالي، ومحدش بيسمع عني حاجة ولا ليا في النوش، بس تقريبًا هتصحوا الشخص التاني اللي جوايا اللي بيحب النوش، علشان الطيبة في الزمن ده مش بتنفع، ده اللي اكتشفته، أورتيجا الطيب بح.
وتوفيت والدة أورتيجا، في شهر مارس الماضي، واستقبل الفنان عزائها في مسجد الخلفاء الراشدين الذي يقع في منطقة مصر الجديدة، بحضور صديقيه أوكا وحودة بندق وعدد كبير من الحضور؛ من أجل تقديم واجب العزاء له، ومساندته في وفاة والدته، حيث ظهرت عليه علامات الحسرة والألم، خلال استقباله واجب العزاء.
وسبق أن كشف أورتيجا رأيه في قرار نقابة المهن الموسيقية، بشأن وقف مطربي المهرجانات؛ وقال خلال لقاء سابق له في برنامج et بالعربي، إن النقابة موفقة في هذا القرار، موضحًا: أنا مع النقابة في إننا مش عاوزين كلمات مسفة ومخلة؛ لأن الأطفال بقوا متفاعلين على السوشيال ميديا بشكل كبير، وكله بقى معاه تليفونات، ولو النقابة عاوزاني أغير اسمي؛ ممكن أخليه مارادونا.
