السيسي: مستقبل مصر للإنتاج الزراعي يحتاج لكهرباء.. والكلام اللي بيتقال عن الأولويات مش هرد عليه نظري
قال الرئيس عبد الفتاح السيسي، رئيس الجمهورية، إن الهدف من متابعة المشروعات بشكل مباشر مع الشعب المصري والإعلام، هو أن نتبادل الفهم مع بعضنا، كلٍ فيما يخصه، مُتسائلًا: مشروع زي مستقبل مصر للإنتاج الزراعي هياخد كهرباء قد إيه؟، متابعا: لو كانت أولويات الدولة خلال سبع سنوات الماضي مش داخلة فيها الكهرباء والبنية الأساسية كنا هنعمل إيه؟
وأضاف السيسي، خلال افتتاح مشروع مستقبل مصر للإنتاج الزراعي، صباح اليوم السبت: الكلام اللي بيتقال عن الأولويات مش هرد عليه نظري، عشان أقول لينا كلنا أن مكنش عندنا كهرباء تكفي البيوت والمستشفيات، قائلًا: حد كان يقدر ياخد قرار تجهيز البلد في فترة الحفاظ على بقائها من 7 سنين من غير اتخاذ إجراء تطوير الكهرباء والبنية الأساسية.
مشروع مستقبل مصر للإنتاج الزراعي
وأشار السيسي إلى أنه: كلام البعض ممكن يقول الكهرباء ليست من الأولويات ومن الممكن تأخيرها، قائلًا: انتبه وأوعى تحط رجل على رجل وتتكلم وأنت الموضوع متعرفوش، الناس بتسمعك، ظلمت نفسك وظلمت الكلام، متابعا: 2.5 مليون فدان تقريبا تعني 25% من الأرض الزراعية اللي موجود على مساحة مصر بالكامل على مدى آلاف السيين.
وفي وقت سابق، وجّه الرئيس بتوسيع نشاط مشروع مستقبل مصر، بحيث يتم تنفيذه في إطار شامل ومتكامل الأركان، لتحقيق الاستغلال الأمثل لأصول الدولة، وتحقيق أقصى استفادة ممكنة من الموارد المتوفرة، خاصة الأراضي الزراعية والمياه، بحيث يكون المشروع بمثابة قاطرة للتطور الزراعي في الدولة، من خلال تبني مفهوم الكيانات الزراعية العملاقة التي تتمتع بالقدرة على إحداث نقلة نوعية في قطاع الزراعة الحديثة، وتحقيق الأمن الغذائي، بالإضافة إلى الاعتماد على أحدث التكنولوجيا العالمية في الري والزراعة.
