السيسي: البر مش أنك بس تبني جامع إنما البر أني أخلي المواطن بدل ما يكسب ألفين أضاعف له الرقم
قال الرئيس عبدالفتاح السيسي، إن المواطن الذي يقطن في الريف ويمتلك رأس ماشية غير مطورة، تكلف الفلاح كثيرًا نظرًا لأن إنتاجها من اللحوم يعادل 1.5 كيلو بينما المطورة تنتج 8 كيلو لحم.
وأضاف الرئيس، خلال افتتاح مشروع مستقبل مصر للإنتاج الزراعي، يا أهل الخير يا اللي عايزين تعملوا أعمال خير أو بر أوعوا تكونوا فاكرين أن البر أنك تدي حد ياكل أو تعملوا مدرسة أو حتى جامع لأ، البر أن أنا أخلي المواطن بدل ما بيكسب ألف وألفين أضاعف له الرقم، طب إزاي اللي أنا بدخل فيه مش مرتبط بالإنسان، فالتعامل مع البشر مش موجود، لكن التعامل مع البشر مشكلة، إزاي أقدر اقنعه أن اللي هو بيأكلها نفس حجم الأكل والمياه واحدة مثيله ليها بتدي حجم الإنتاج أكتر مرة أو مرتين.
وتابع السيسي: الدكتور مصطفى هيشيل الهم بس مفيش حل تاني، يعني أخد الـ 2 مليون رأس ماشية دول أدبحهم على سنة أو 2، وأعمل إحلال بحاجة تانية، بتكلم بشكل بسيط، إنما في النهاية تقولي إحنا غيرنا الإنتاج الحيواني، وبقت كل الرؤوس مطورة، أنا اتكلمت عن اللحوم لسةه متكلمتش عن الألبان، كذلك الألبان الرؤوس العادية تنتج 7 كيلو بينما الرأس المطورة تنتج 20 كيلو.
