غادة إبراهيم عن أزمتها في جنازة سمير صبري: قولت لو ركبت الباص هيجيلي ديسك | فيديو
كشفت الفنانة غادة إبراهيم، تفاصيل أزمتها في جنازة الفنان الكبير سمير صبري، حيث تصدرت تريند مواقع التواصل الاجتماعي، بعد تداول مقاطع فيديو لها أثناء بكائها، بعدما مُنعت من استقلال الباص الخاص بالفنانين المرافقين لجثمان صبري، وتشييعه إلى مثواه الأخير.
وقالت غادة إبراهيم، خلال حوارها مع القاهرة 24، إنها لم تكن تريد استقلال الباص من الأساس نظرًا لحالتها الصحية، موضحة: خلصنا صلاة الجنازة، ونزلت سلمّت على دكتور أشرف زكي، وأغلب الفنانيين لأني مبخرجش كتير وبقالي فترة مشفتهمش، وكان معايا إحدى زميلاتي من الوسط الفني، وقولت لها أنا لسة جاية من إسكندرية.. أنتي عايزة تعملي إيه؟، قالت إيه رأيك نروح في الباص؟.
تفاصيل مشاجرة غادة إبراهيم في جنازة سمير صبري
وتابعت غادة إبراهيم: بصيت للباص هو كبير بتاع سياحة، قولت لها أنا مقدرش.. ده لو ركبت الباص ده يجيلي ديسك لو قعدت المسافة دي كلها فيه، عندي عربيتي بـ سواق وأنت نفس الشئ اللي عايزاه نطلع بيه.. دخل علينا راجل محترم قال لي حضرتك إسكندرانية؟ قولت آه ومن بلديات أستاذ سمير، قال طب ما كلهم رايحين إسكندرية للمدافن في المنارة بالباص.
وأضافت غادة إبراهيم: أقسم بالله ما رديت عليه، حتى كنت لسة بفكر هقوله إيه، ما أنا مش هقدر أركب الباص.. لقيت واحدة جاية جري من ورا، حدفت جملة ملهاش أي معنى ولا محل من الإعراب، وطلعت تجري زي الفار، قالت الجملة بكل جُبن وخسة، وجريت زي الفار، ما هي لو محترمة ومش جبانة كانت وقفت، أو كانت وجهتلي أو وجهت للناس كلام.
