غادة إبراهيم: صليت 7 ركعات على سمير صبري دعيت له فيهم كلهم ومدعيتش لنفسي
أعربت الفنانة غادة إبراهيم، عن حزنها الشديد على وفاة الفنان القدير سمير صبري، الذي رحل عن عالمنا الجمعة الماضية بعد صراع مع مرض السرطان.
وقالت غادة إبراهيم في تصريح لـ القاهرة 24، إنها أصرت على حضور جنازة سمير صبري لعشقه وحبه الشديد له، مشيرةً إلى أنها دعيت له كثيرًا أثناء صلاة الجنازة، قائلة: صليت 7 ركعات على سمير صبري دعيت له فيهم كلهم ومدعيتش لنفسي.
وتابعت: يستاهل الدعاء، ويستاهل كل حاجة حلوة، راجل محترم ماسبش حد، وفي مشكلتي مسابنيش، والله ما سابني، الله يرحمه ويحسن مثواه، مسابش حد مريض، مسابش حد في زنقة.
أزمة غادة إبراهيم فى جنازة سمير صبري
وعلى جانب آخر، كشفت غادة إبراهيم تفاصيل أزمتها في جنازة الفنان الكبير سمير صبري، بعدما مُنعت من استقلال الباص الخاص بالفنانين المرافقين لجثمان صبري، وتشييعه إلى مثواه الأخير.
وقالت غادة إبراهيم، خلال حوارها مع القاهرة 24: خلصنا صلاة الجنازة، ونزلت سلمّت على دكتور أشرف زكي، وأغلب الفنانين لأني مبخرجش كتير وبقالي فترة مشفتهمش، وكان معايا إحدى زميلاتي من الوسط الفني، وقولت لها أنا لسة جاية من إسكندرية.. أنتي عايزة تعملي إيه؟، قالت إيه رأيك نروح في الباص؟.
وتابعت غادة إبراهيم: بصيت للباص هو كبير بتاع سياحة، قولت لها أنا مقدرش.. ده لو ركبت الباص ده يجيلي ديسك لو قعدت المسافة دي كلها فيه، عندي عربيتي بـ سواق وأنت نفس الشيء اللي عايزاه نطلع بيه.. دخل علينا راجل محترم قال لي حضرتك إسكندرانية؟ قولت آه ومن بلديات أستاذ سمير، قال طب ما كلهم رايحين إسكندرية للمدافن في المنارة بالباص.
