تامر حسني: أتمنى فيلم مش أنا يأخد حقه في الانتشار
كشف الفنان تامر حسني أصعب المشاهد التي كتبها في فيلم مش أنا، بطولة حلا شيحة، ماجد الكدواني.
ونشر تامر حسني على حسابه الرسمي بموقع إنستجرام، مقطع فيديو من فيلم مش أنا وكتب: مشهد الحمد لله من فيلم مش أنا يمكن أهم حوار كتبته في حياتي، وأتمنى ياخد نصيب كبير أوي في الانتشار، عشان واثق إن كلامه كتير منكم محتاجين يسمعوه، وهيكون علامة جميلة لناس كتير محبطة ومستنية التشجيعة دي، عشان يقوموا ويحققوا اللي ناقصهم لما يركزوا إن في ناس ظروفهم كانت أصعب منهم وقدروا يوصلوا وينجحوا.
وأضاف تامر حسني: يعني الموضوع فينا إحنا مش في الظروف، ظروفك الصعبة دي ممكن تصنع منك بطل، أنت اللي هتحدد وهتقرر ظروفك هتصنع منك إيه، قوم يلا ينفع تحلم تاني وعاشر الحلم ملوش وقت ولا سن، والوقت مش متأخر ولا حاجة، وما دام بتصحى من النوم بتلاقي نفسك عايش يبقى ربنا لسة عايزك وعندك مُهمة في الحياة، قوم دور عليها ربنا مخلقكش فاضي بالعكس عندك كتير بس الشاطر كل ما يدور هيلاقي، وزي ما كتبت في حوار الفيلم المريض الحقيقي هو اللي معندوش طموح.
فيلم مش أنا
وطرح فيلم مش أنا عام 2021، والعمل كان من بطولة حلا شيحة، ماجد الكدواني، سوسن بدر، حجاج عبد العظيم، وعدد آخر من الفنانين، والفيلم كان من تأليف تامر حسني وإخراج سارة وفيق.
