اتخنقت من العيشة وقررت أتخلص منها.. المشدد 15 سنة لسيدة ألقت طفلتها في نهر النيل
عاقبت محكمة جنايات القاهرة، ربة منزل، بالسجن المشدد 15 سنة؛ لاتهامها بإلقاء طفلتها الرضيعة في نهر النيل، من أعلى كوبري قصر النيل، ومحاولة إلقاء طفلتها الثانية؛ انتقاما من طليقها.
تفاصيل واقعة إلقاء أم لطفلتها من أعلى كوبري قصر النيل
وكشفت التحقيقات في القضية رقم 9253 لسنة 2021، جنايات قسم قصر النيل، والمقيدة برقم 667 لسنة 2021، كلي وسط القاهرة، والتي أحالتها جهات التحقيق إلى المحاكمة، تفاصيل قتل امرأة، تُدعى: إلهام. ع. ص، لطفلتها: أمنية، في شهر ديسمبر الماضي؛ بأن ألقتها في نهر النيل، ومحاولة إلقاء الأخرى، التي تدعى: أمارة، لكن العناية الإلهية ساقت طالبا، يدعى: محمد عمر، في طريقها؛ لينقذها.
أم تلقي طفلتها في نهر النيل
وفي التحقيقات، أدلت الأم المتهمة بإلقاء صغيرتها: أمنية، ذات العامين، من أعلى الكوبري، وشروعها في إلقاء الأخرى: أمارة- 8 سنوات؛ لولا أن أحد المارة منعها، ونجح في إنقاذ الصغيرة والأم قبل انتحارها.
وروت الأم تفاصيل جريمتها، بقولها: اللي حصل إني اتجوزت 3 مرات، أول مرة كان عندي 19 سنة، وماخلفتش في أول جوازتين، واتجوزت الجوازة التالتة من إبراهيم في 2012 تقریبا، وخلفت منه بنتي أمارة في 2013، وكنا ساكنين عنده في دمياط، بس حصلت مشاكل عادیة، وروحنا قعدنا في شقة بتاعت أبويا في بلقاس.
وتابعت الأم المتهمة: إبراهيم مكنش بيدفع إيجار الشقة دي لأبويا، وكان بيطلب من أبويا فلوس يصرف بيها عليا؛ فحصلت مشاكل كثير بينَّا، وأنا كنت حامل في بنتي أمينة، وبعد كده جوزي طلقني.
وأكملت الأم: وأنا حامل في الشهر الرابع في نص 2019، فضلت قاعدة في الشقة بتاعت أبويا أنا وبنتي أمارة، وخلفت بنتی أمنية، ومکنش معايا فلوس خالص أصرف على نفسي وعلى بناتي، ومكنتش قادرة أشتغل، وأبويا مکانش بيديني فلوس غير قليل خالص، ومكنتش لاقية آکل أنا وبناتي، وطليقي مكنش بيصرف علینا، وأنا نفسيتي تعبت جدًا، ومكنتش قادرة أستحمل.
وأكملت الأم: في آخر شهر بدأت تدور فكرة في دماغي، فكرة إني أقتل بناتي وأنتحر؛ عشان أخلص من المعاناة دي، بس مانفذتش حاجة، والفكرة كانت بتروح وتيجي في دماغي، لحد إمبارح يوم 21 نوفمبر 2021، أنا خرجت من بيتنا في عزبة هجرس الساعة 9:30 الصبح، وكان معايا بنتي أمارة وبنتي أمينة، وكنت واخدة من أبويا 400 جنيه؛ عشان أجيب هدوم للبنات، ورکبت میکروباص أنا والبنات، وروحت محطة قطر شربين، وركبت قطر المنصورة من شربين، وأنا في الطريق، حسيت إن الدنيا صعبة والفلوس قليلة، وقررت إني أروح مكان بعيد وأرمي بناتي أمارة وأمينة في الميه، وأرمي نفسي أنا كمان في المياه؛ عشان أتخلص من حياتنا ومن المعاناة اللي إحنا فيها، وركبت قطر تاني روحت بيه دمياط، بس حسيت إني عايزه أروح مكان بعيد، محدش يعرفني فيه.
وواصلت إلهام المتهمة بإلقاء ابنتها وإغراقها في نهر النيل ومحاولة إلقاء الأخرى، اعترافاتها: بعد كده ركبت قطر تاني، روحت بيه مصر، ووصلت محطة مصر، وطلعت قدام المحطة وكان معايا أمارة وأمينة، ووقفت تاكسي وقولتله يطلعني الكوبري اللي على النيل، وركبت معاه أنا والبنات، وودانا عند الكورنيش، وأنا أتمشيت بالبنات لحد الكوبري التي عليه أسود، وبعدين في نص الكوبري، اتأكدت إن مفيش حد حواليا، وقررت أرمي أمينة وأمارة في المياه، وأرمي نفسي وراهم؛ عشان أتخلص من حياتنا ومعاناتنا، وكنت شايلة أمنية على كتفي، وماسكة أمارة في إيدي، روحت رامية أمنية في المياه، وبعد كده جيت أشد أمارة عشان أرميها؛ لقيتها خافت وصرخت، وروحت رامية شنطي في الميه، ونطيت من فوق سور الكوبري، بس لقيت واحد مسکني وراح شاددني وسحبني، ووقعت على الأرض، وأغمى عليا، وصحيت لقيت نفسي في القسم.
