عاوزين حقنا.. طلاب يروون تفاصيل اعتداء بودي جارد مؤسسة مشكاة نور عليهم ببورسعيد | صور وفيديو
أبدى طلاب بالصف الثالث الثانوي بـ محافظة بورسعيد غضبهم الشديد، بسبب ما تعرضوا له من اعتداء من بودي جارد تابعين لمؤسسة مشكاة نور الخيرية، أثناء عرض ترويجي للمؤسسة فرضت عليهم حضوره، عقب انتهاء أعمال القوافل التعليمية التي يتم تنظيمها للطلاب بالمجان.
طلاب عن واقعة اعتداء بودي جارد مشكاة نور عليهم ببورسعيد: عاوزين حقنا
حصل القاهرة 24 على فيديو يظهر خلاله البودي جارد خلال الاعتداء على الطلاب، ويوثق دقائق الكر والفر وحالة الزعر التي أصابت الطلاب والطالبات، والتي وقعت بعد انتهاء أعمال القافلة التعليمية المجانية.
وكشف الطلاب والطالبات أنهم بعد انتهاء القوافل التعليمية في مدرسة بورسعيد الثانوية للبنات، تم استدعاء أحد زملائهم للحديث علي المنصة مع مسئولي مشكاة نور، وفوجئ الطلاب باستدعاء المؤسسة لبودي جارد لإخراج الطالب خارج القاعة وتم الاعتداء عليه، وأكدوا أن زملائه رفضوا التعامل بهذا الشكل وتعرضوا للتعدي من البودي جارد.
طلاب وأولياء أمور
وعلقت طالبة تدعي أ ط قائلة: “دي كانت مهزلة دول بلطجية مش بودي جارد دول جايين المفروض عشان يحمونا مش يضربونا مهما حصل ماينفعش حد منهم يمد ايده على أي حد مننا، دا غير إن الولد مغلطش واحنا اتاخدنا ف الرجلين، وعاوزين يحبسونا جوا عافية لغاية الساعة 2 وكل فيديوهات المحاضرة اللي نازلة بيقطعوا منها الجزء بتاع المشكلة عشان مش عاوزين يظهروا وحشين، بس احنا صورنا كل حاجة وحالفين لنجيب حقنا”.
وعلقت أ ع ولي أمر أحد الطالبات قائلة: “يعني نبعت أولادنا عشان يستفيدوا وهما أصلا متوترين ومضغوطين من اللي هما فيه وبعدين نلاقي الوضع ده، أنا مش فاهمة ازاي طالب يتضرب الضرب ده كله، وأصحابه يحاولوا يخلصوه من ايد البودي جارد بالعافية والولد يتعور بالشكل ده حسبي الله ونعم الوكيل، دول ولاد ناس ميتعاملوش كده دي بلطجة، احنا عايزين نطمن على الولد أنا قلقانة عليه جدا لأن إصابته كبيرة من الضرب”.
وسادت حالة من الجدل الواسع على مواقع التواصل الاجتماعي فيس بوك حول ما تعرض له الطلاب والطالبات من اعتداء، وطالب الأهالي بمحاسبة مسئولي المؤسسة عما تعرض له أبنائهم من اعتداءات وزعر بسبب البودي جارد.
ورفض الآلاف من أبناء بورسعيد فكرة استدعاء المؤسسة للبودي جارد أثناء القوافل التعليمية للطلاب، مؤكدين أن ما حدث لا يجب السكوت عليه.
