رضوى الشربيني عن تعدد الزوجات: لو مالقتش اللي تحبه ما تحبش اللي تلاقيه
علقت الإعلامية رضوى الشربيني، على تعدد الزوجات، قائلة: ما تتجوزش إلا حد بتحبه.
رضوى الشربيني
رضوى الشربيني: لو مالقتش اللي تحبه ما تحبش اللي تلاقيه
وقالت الشربيني في تغريدة لها، عبر موقع التدوينات القصيرة توتير: ماتتجوزش إلا حد بتحبّه.. ولو مالقتش اللي تحبّه ماتحبّش اللي تلاقيه.
وفي وقت سابق، علقت نهاد أبو القمصان مدير المركز المصري لحقوق المرأة، على تعدد الزوجات، قائلة: في نوعين من الجواز؛ النوع الأول زواج إنساني: اثنين يكملوا بعض، وجودهم سوا هو العودة للنفس الواحدة اللي خلقها ربنا، ودول يستحملوا مع بعض كل شيء صعب، قلة المال وقلة الصحة وحتى قلة الولد والبنت، أما النوع الثاني فهو زوج استهلاكي: كل واحد يدور على مصلحته واحتياجاته، واللي يحصله أزمة مال أو صحة أو خلفة الثاني يشوف حاله.
تعدد الزوجات
وتابعت مدير المركز المصري لحقوق المرأة عبر منشور بصفحتها الشخصية بموقع التواصل الاجتماعي فيسبوك: لما حد يطلب من الراجل لو عنده مشكلة أو تحدي في جوازه؛ يجرى يتجوز واحدة ثانية؛ يبقى بيشجعوا على الهروب من المسئولية والاستسهال، وبتنشروا الجواز الاستهلاكي، وزي الراجل ما بيدور على مصلحته؛ الست كمان تشوف حالها.
وأضافت: فى حالة أن الراجل بيسافر يشقى عشان بيته والست بتوافق بس عشان بيتها، هو بيبقى فى غربة المكان برا مصر، وهي في غربة الحنين جوا مصر، فهل يعقل أن الست يبقى مطلوب منها تساعد الراجل يعف نفسه في غربة المكان.. طيب هي تعمل إيه فى غربة الحنين، لما يكون الراجل شايل هم الرزق، الست بتبقى شايلة هم البيت، أنها بقت الأم والأب في غياب الأب، فيكون استجلاب ضُرة هو العرفان والشكر على تحملها.
وتسائلت أبو القمصان: ليه بعض المتحدثين باسم الدين بيعلموا الناس أن كل واحد يدور على مصلحته؟
زيادة في النفقات بسبب بيت تأنى
واستكملت: زواج الرجل من امرأة ثانية يعني زيادة في النفقات، بسبب بيت ثاني وطلبات ثانية، وأكيد عيال ثانية، بينما سيكون من الأوفر حجز تذكرة سفر والعودة إلى زوجته في بلده، وقضاء بعض الوقت معها، قائلة: أرخص للزوج فى الحالة دي يقطع تذكرة كل كام شهر، ويرحم نفسه من غربة المكان، ويرجع يطمن على مراته اللي في غربة الحنين ويشوف ولاده، أو يأخذهم معاه غُربة المكان، ونلم الأسرة مع بعض.
