أحمد زاهر منتقدًا السوشيال ميديا: اللي يقول دي لبست فستان وحش وهو أنت مالك أنت أخوها؟
قال الفنان أحمد زاهر، إنه قدم مسلسله الأخير سوشيال، حتى يناقش سلبيات السوشيال ميديا، وكيف أصبح الجميع رقباء على بعضهما.
وتابع الفنان أحمد زاهر خلال لقائه مع القاهرة 24: عملت مسلسل سوشيال.. لأني زهقت من السوشيال ميديا.. الموضوع بقى بالنسبة للعامة، أي حد يدمر حد يطلع عليه شائعة تقلب الرأي العام.. وتدمر الناس، موضوع خطير، مثل مدرسة المنصورة مش من حقك أنك تصورها، دي جريمة وبقت مجرمة في دول الخارج والدول العربية، وبعدين أنت مالك ما تخليكم في حالكم.. واللي يقول دي لبست فستان وحش وهو أنت مالك أنت أخوها؟.
وفي سياق متصل، كشف أحمد زاهر، حقيقة خطبة ابنته ليلى، من تيام نجل الفنان مصطفى قمر، حيث قال في لقائه مع القاهرة 24: هي الخطوبة والجواز دي حاجة عيب أو حرام، ما هي لو حاجة أكيدة هنقول ونفرح، وطالما هي مقالتش ولا أنا قولت يبقى ده محصلش، وبعدين تيام قمر ابن حبيبي مصطفى قمر ربنا يحميه وشاب جميل ومحترم، ده كله عشان اتصورت معاه صورة في غلاف، ومش تيام بس احنا بنتفاجئ بأسماء غريبة لا أنا ولا بنتي نعرفهم.
فارس
وكان آخر أعمال الفنان أحمد زاهر، فيلمه الجديد فارس، والذي يعد أولى بطولاته المطلقة في السينما المصرية، وقدم خلاله شخصية البطل الشعبي الذي نشأ في أسرة طيبة، صاحب أخلاق، رياضي، مهنته عامل في محطة بنزين، يدخل في صراع كبير مع رجل أعمال صاحب سلطة ونفوذ، ويكون بينهما مطاردات ومعارك وقتل.
