وليد منصور: نستعد لسفر أبطال أهل الكهف إلى تركيا.. والفيلم أرهقني ماديًا
كشف المنتج ومنظم الحفلات وليد منصور تفاصيل فيلم أهل الكهف، والتطورات التي آل إليها الفيلم، بعد عام ونصف من التصوير في مختلف محافظات مصر، وذلك على هامش تكريمه من حفل توزيع جوائز MEMA.
وقال وليد منصور لـ القاهرة 24: الحمد لله السنة العاشرة نتكرمن من حفل توزيع جوائز MEMA، وحاجة اتشرف بيها، والنجاح يرجع للمجموعة التي أعمل معها، فلولاهم ما كنت أنا، وأعد الجمهور، بوجود العديد من الفاعليات التي ستكون على أعلى مستوى في موسم الصيف.
أما عن فيلم أهل الكهف، تابع وليد منصور: بقالنا سنة ونص بنصور في أهل الكهف وميزانية ضخمة 16 نجم وبنحاول نجمعهم بعد رمضان عشان نسافر تركيا ومش هطرح الفيلم في موسم محدد، عشان عايز كل الناس تشوفه؛ لأنه أضخم إنتاج وأنا مراهن عليه وأرهقت ماديًا فيه خاصةً إن مجال الإنتاج عمري فيه 6 سنين وعملت فيه 4 أفلام، والحمد لله كانوا أحلى أفلام والناس بتستنى الأفضل والفيلم ده حاجة متعملتش من 50 أو 60 سنة.
أبطال فيلم أهل الكهف
ضم فيلم أهل الكهف العديد من النجوم، منهم: خالد النبوي، غادة عادل، محمود حميدة، محمد ممدوح، محمد فراج، ريم مصطفى، فتحي عبد الوهاب، هاجر أحمد، صبري فواز، بيومي فؤاد، أحمد فؤاد سليم، خالد الصاوي، مصطفى فهمي، أحمد عيد، ماجد المصري، عمرو عبد الجليل، إياد نصار، والفيلم من تأليف أيمن بهجت قمر، وتحت قيادة المخرج عمرو عرفة.
