محيي إسماعيل: أنا عالمي وأفضل من آل باتشينو وكتاباتي مراجع لأجيال
كشف الفنان محيي إسماعيل معاناته في بداياته بمجال التمثيل، بجانب الحديث عن إمكانية تحويل رواياته لأفلام سينمائية.
جراح النفوس لمحيي إسماعيل
وقال محيي إسماعيل، خلال ندوته في ساقية الصاوي، احتفالًا بتوقيع روايته جراح النفوس بقاعة الكلمة: أي رواية عندي بحولها لفيلم سينما وبكتب 6 روايات بقى لي 30 سنة، وهي روايات عالمية ومحتاج منتج وممول لتحويلها لفيلم.
وتابع: أنا جيت الحياة أسيب بصمة وأمشي وأنا عالمي وحتى لو كنت مغرور وقعدت 50 سنة أحفر في الصخر عشان أعمل مدرستي النفسية وأنا ملك السيكودراما وتعبت جدا.
لا أحتاج لتقييم من أحد
واستكمل: اللي بكتبه وبمثله مراجع وبقولها بمنتهى الثقة أنا مش محتاج حد يقيمني وأنا أهم من آل باتشينو وقلت لـ ساويرس أن آل باتشينو ما كنش ظهر قبلي وهو بياخد ملايين وأنا مش باخد ملايين وبشتغل في جو سيء ومع ذلك أبدع ولذلك أنا أفضل منه.
محيي إسماعيل يتحدث عن معاناته من الاكتئاب
وفي السياق ذاته، تحدث محيي إسماعيل عن معاناته مع الاكتئاب، وقال: من 4 سنين جالي اكتئاب شديد جدًا بسبب العبث في الوسط الفني والفوضى العارمة ومفيش إصلاح، عندي تراكمات كتير تجاه مجتمعي، وقلت هعملها رواية أدبية، وكتبتها في سنتين وبكتب وأراجع وأشوف هل ماشية كويس، لحد ما تظبط، وبتاخد فترة طويلة.
