محامي ميما الشامي: عندكم ألف طريقة لحل المشاكل بعيد عن ترندات السوشيال الميديا
وجه محامي ميما الشامي رسالة إلى الإعلامي خالد عليش، عما يصدر منه خلال الساعات الماضية، من منشورات عبر صفحته الشخصية فيس بوك، يتمنى فيه حل الخلافات بعيدا عن وسائل التواصل الاجتماعي.
نصح محامي ميما الشامي الإعلامي خالد عليش قائلا: عندكم ألف طريقة لحل المشاكل بعياد عن ترندات السوشيال الميديا.
وأضاف محامي ميما الشامي، عن توقعاته للقضية خلال الفترة المقبلة، في حصول خالد عليش على الحكم بشكل نهائي، قائلا مازال الحكم غير نهائي لأن لسه مجال الطعن والاستئناف عليه مفتوح، وبالتأكيد هستنفذ سبل الطعن والأحكام بشكل قانوني، عشان إظهار وجه الحقيقة في الدعوة.
أبرز تصريحات منشور خالد عليش
وكان خالد عليش أعلن حصوله على حكم يمكنه من رؤية ابنته قائلا: جه الوقت اللي أقول فيه اللي جوايا، حسبي الله ونعم الوكيل، أنا خصيم لكل واحد أو واحدة حتى يوم الحساب، ساعدوا بشكل مباشر أو غير مباشر أني ما أشوفش بنتي بطريقة إنسانية، كل حد كبير أو صغير، جريت وراه بالمكالمات عشان أشوف أي حلول ودية، حتى الحركات والجروبات النسوية اللي بيدافعوا عن الست وخلاص.
وأردف عليش: أي حد بيكتب تعليق، وهو مش فاهم حاجة، فاض بيا الكيل والعمر بيعدي، واستحملت الكثير من الاتهامات الباطلة، وعلاقتي ببنتي بتبوظ يوم بعد يوم، وأنا ملتزم بكافة الالتزامات المادية ناحيتها، من أول يوم كاملة وزيادة كمان عن المستوى المادي والاجتماعي اللي عايشين فيه، ومع ذلك استحملت كتير ومردتش.. أنا لا حول لي ولا قوة حاولت مع كل الحلول الرسمية وغير الرسمية.. لكن تعبت من اللف في دوائر مغلقة.
