عمر طاهر يهاجم أوبر: مش أي مشوار بيروحوه.. وبيشغلوا مهرجانات وبيفتوا بقلة ذوق
علق الكاتب عمر طاهر على سوء خدمة أوبر هذه الفترة، مشيرًا إلى أنها لم تكن كذلك في الماضي ولكن الشركة تحتاج لمراجعة خدماتها.
وكتب عمر طاهر، عبر حسابه الرسمي على موقع فيسبوك: أوبر بعد ما انفرد بالسوق بقى زيه زي أي تاكسي.. مش أي مشوار يروحه وممكن الكابتن يقولهالك صريحة مبروحش المنطقة دي أو مش عايز أو مش هقدر، وأنت وحظك في نضافة العربية وريحتها وشطارة السواق.
تجربتي مع الشركة
وواصل عمر طاهر: الاتنين بيشغلوا المقرئين الخلايجة أو مهرجانات.. بيتوهوا وبيفتوا وقلة الذوق في الاتنين مافيش ضامن ليها، أنا بحكي عن تجربة وتجارب القريبين، وإن كان فيه ميزة إن السعر متحدد، ف دي ميزة بتضيع لأنه بيلطعك علشان بيقبل الرحلة ولسه معاه زبون، أو مش عارف يوصلك وإن قيمة الرحلة تضرب الضعف علشان وقت ذروة.. أو إنه يعتذرلك علشان هتدفع فيزا مش كاش.
وأضاف عمر طاهر: ميزة متساويش الاستغناء عن تفاني سواق التاكسي العادي اللي ممكن ياخد بإيد زبونه وشيلته لحد باب بيته، بقابل ناس محترمة وشاطرة وبتتعامل بضمير، لكن معظم كباتن أوبر اللي صادفتهم مؤخرا مش نازلين يشتغلوا نازلين يجربوا حظهم.
وأشار عمر طاهر إلى أن خدمة أوبر تحتاج للمراجعة وللمراقبة بشكل أدق عن طريق تقييم التطبيق، لأن مشروع أوبر محترم ووسيلة آمنة ولكنها تحتاج بعض التطوير حتى لا تضيع.
