قتلت ولادها قبل كده.. أم تصفع رضيعها بوحشية في محطة قطار المنيا | فيديو
سادت حالة من الغضب والاستياء على مواقع التواصل الاجتماعي، بسبب فيديو متداول يظهر فيه أم انتزعت من قلبها الرحمة تضرب رضيعها وتصفعه على وجهه بشدة بمحطة قطار المنيا، مطالبين بحق الطفل ومعرفة هوية الأم واتخاذ الإجراءات القانونية ضدها.
وتواصلت القاهرة 24 مع مصورة الفيديو لمعرفة التفاصيل، وقالت: الست دي مختلة في تصرفاتها ممكن تقعد تتكلم معها تشتم بطريقة فظيعة على ناس مش موجودة لكن هي شيفاهم وبعدين تزعق جامد، ولقيتها شايلة الطفل وبتضربه على وجهه ومسكته ضربته في العمود بتاع الرصيف.
مريضة نفسيا
وأضافت: الست دي بتكون متواجدة باستمرار على المحطة ومعروفة وبنشوفها كتير، أحيانا بنلاقيها لابسة لبس كويس إلى حد ما، ومرات أخرى بنشوفها تلبس لبس قديم وبتتسول في الشوارع والمحطة، ولما سألت العاملات بيقولوا أنها عاقلة ولكن بيجيلها حالة نفسية والطفل ده مخلفاه من يومين حسب قولهم، ولما حاولنا نقولها حرام ومينفعش اللي بتعمليه ده وجهت لينا السباب والشتيمة.
قتلت اثنين من أولادها
واستكملت مصورة الفيديو حديثها لـ القاهرة 24: كانت طول اليوم بتضربه على وشه وكل ما يعيط تتعصب وتضربه أكتر، ودي مش أول مرة يحصل منها وكانت تسببت في قتل ولادها الاتنين قبل كده وطلعت من الحبس.
وطالبت مصورة الفيديو الجهات المختصة إنقاذ الطفل من هذه السيدة التي لا تملك مشاعر الرحمة والإنسانية.
