الشوربجي كان بيعيط.. أحمد برادة: اللاعب مجروح نفسيا وجاب لمصر 47 بطولة
علق الكابتن أحمد برادة، نجم الإسكواش السابق، على قرار نجم منتخب مصر للإسكواش محمد الشوربجي التجنيس واللعب باسم منتخب إنجلترا.
كان مجروح نفسيًا
وقال برادة في تصريحات تلفزيونية، إنه هاتف الشوربجي اليوم لأول مرة، حيث إنه لم يلتقي به من قبل، مضيفًا: كلمته النهاردة وكان مجروح نفسيًا لأنه كسب لمصر بطولات كتيرة جدًا.
وانتقد تصريحات رئيس الاتحاد المصري للإسكواش التي ذكر فيها، أن الشوربجي كان لا يحب اللعب في بطولات الفرق الخاصة بمصر قائلًا: ما سواء الفردي أو الفرق ما هي باسم مصر قاعدين يلفوا ويدورا على إيه ؟!.
إحنا عندنا أبطال كتيرة في الإسكواش
وتابع أحمد برادة، نجم الإسكواش السابق قائلا: أنا مش بدافع عنه بشكل شخصي أنا بتكلم عنه كشخص مجروح إحنا عندنا أبطال كتيرة في الإسكواش.. اتخضيت لما كلمته لأول مرة لقيته منهار نفسيًا لو كان لقى حد يطبطب عليه كان هيبقى الموقف مختلف.
وواصل: الشوربجي لعب 47 بطولة باسم مصر يبقى العيب فين؟ فينا ولا فيه.. اللاعب انهار بالبكاء قبل إنهاء مكالمتي معاه.. قلتله أيه اللي أنت عاوزه واحنا نعمله؟ أنهار بالبكاء فاضطررت إنهاء المكالمة حتى يهدأ.
