الحقوا ابني بيقتل جوزي.. ماذا قالت الناجية الوحيدة في مذبحة إمبابة؟
افتقر الابن المتهم إلى جرعة اعتاد عليها من المخدرات فذهب عقله وغابت عنه إنسانيته وشرفه، فجن جنونه واستل سكينًا، وانهال بها طعنًا في صدر والده الغارق في نعاسه، لكن المتهم جعله غارق في دمائه، ولم يتوقف عند هذا الحد، بل نال شقيقته ما أصاب والده، فسدد لها طعنات متتالية أزهقت روحها، أثناء دفاعها عن والدها، ونجت الأم بأعجوبة لتروي تفاصيل ما حدث في مذبحة إمبابة.
مذبحة إمبابة
حصل القاهرة 24 على نص التحقيقات في القضية التي حملت رقم 871 لسنة 2022 جنايات قسم إمبابة والمقيدة برقم 14 لسنة 2022 كلي شمال الجيزة والمعروفة إعلاميًا بمذبحة إمبابة، وجاء فيها أقوال والدة المتهم والمجني عليها وزوجة المجني عليه، وهي الناجية الوحيدة من المذبحة، وجاءت أقوالها أمام جهات التحقيق كالآتي.
س: ما اسمك؟
ج: إسمي سلوى.م.ع. 59 سنة وأعمل ربة منزل.
س: ما تفصيلات شهادتك؟
ج: اللي حصل إن ابني أسامة بيتعاطي برشام مخدر وأنا وجوزي وبنتي دينا سايبين البيت بقالنا أسبوعين ولما رجعنا استقبلنا كويس ساعتها ويوم الواقعة انا نايمة علي السرير جب جوزي إسماعيل الله يرحمه وقافلين باب غرفة النوم بالترباس وبنتي دينا كانت بتنضف الشقة وعلي الساعة 10 بالليل لقيت باب الأوضة بينفتح مرة واحدة، وكان أسامة ساعتها ماسك سكينة في إيده اليمين، انا اتخضيت قمت من النوم وهو أول ما دخل فضل يضرب في أبوه بالسكينة، روحت أنا نزلت الشارع فضلت أصوت وأقول الحقوا أسامة هايموت أبوه، وفضلت قاعدة في الشارع شوية ولقيت أسامة بیجر أبوة علي السلم وكان سايح في دمه، ورماه في مدخل العمارة وطلع علي فوق ثاني والحكومة ساعتها جت وجوزي نقلوة علي مستشفي معهد ناصر وطلعوا ببنتي هيا كمان علي مسشفي معهد ناصر وأنا قسم امبابة طلبني.
س: هل دار ثمة حوار بين المتهم ووالده المجني عليه اثناء قيامه بالتعدي عليه؟
ج: أيوة.
س: وما مضمون ذلك الحوار؟
ج: هو أول ما كسر باب الأوضة كان ماسك سكينة في ايده وابوة الله يرحمه كان علي السرير راح نزل فيه ضرب بالسكينة وفضل يقوله هموتك.
س: كم ضربه كالها المتهم للمجني عليه؟
ج: معرفش.
س: في أي موضع من جسد المجني عليه استقرت تلك الضربات؟
ج: هو كان بيضربوا في صدره بالسكينة وابوة الله يرحمة كان قاعد علي السرير.
س: وما الذي بدر منكي حال رؤيتك لتلك الواقعة؟
ج: أنا أول ما شوفت أسامة كسر باب الأوضة وماسك في إيده سكينة ودخل علي ابوة يطعن فيه نزلت جري علي الشارع علشان الناس تطلع تحوش عن أبوه.
س: وما هو موضع المجني عليه إسماعيل بالنسبة للمتهم اثناء قيام الأخير بالتعدي عليه؟
ج: هو جوزي الله يرحمه كان نايم علي السرير علي جنبه الشمال ولما اسامه دخل الأوضة قعد على السرير واسامة كان واقف على الأرض جنبه وفضل يضرب فيه.
س: وما سبب ومناسبة تواجدك؟
ج: أنا كنت قاعدة في الشقة عادي.
س: من كان برفقتك؟
ج: أنا كان معايا جوزي الله يرحمه وبنتي دينا كانت لسه راجعة من الشغل وابني أسامة.
س: وما سبب قيام المتهم بالتعدي علي والده المجني عليه؟
ج: هو كل ما يشوف أبوه يقوله انت شيطان وانا هقتلك واللي بيخليه يعمل كده البرشام اللي بياخده.
س: منذ متى يتعاطى المهم المواد المخدرة؟
ج: هو بقاله كتير بشرب مخدرات.
س: هل من ثمة خلافات بين المتهم والمجني عليهما؟
ج: أيوة.
س: وما هي طبيعة تلك الخلافات؟
ج: إنه عاوز فلوس منه دايما علشان يشتري بيها مخدرات
س: صفي لنا كيفيه حدوث إصابة المتوفية الي رحمة الله ابنتك شقيقة المتهم؟
ج: أنا ماشوفش أسامة وهو بيضربها.
س: هل قام المتهم بالتعدي أولا على والده أم شقيقته؟
ج: هو ضرب أبوه بالسكينة الأول.
س: وهل قامت شقيقته المجني عليها محاوله الدفاع عن والدها؟
ج: أنا معرفش لأن أنا جريت علي الشارع وفضلت أصوت علشان الناس تطلع تحوش.
س: وهل قام أحد بالدلوف لمحل الواقعة؟
ج: لا محدش طلع.
