البطل الأولمبي أحمد الجندي: مسئول تعطل 12 دقيقة عن الوصول لحمامات السباحة باستاد القاهرة فقرر يعاقبنا
انتقد أحمد الجندي لاعب الخماسي الحديث وبطل مصر الحاصل على الميدالية الفضية في دورة الألعاب الأوليمبية بـ طوكيو 2020، الطريقة التي يتعامل بها أحد مسئولي استاد القاهرة الدولي، عبر حسابه الشخصي بموقع التواصل الاجتماعي فيسبوك، بعدما اعترض موظف داخل استاد القاهرة على دخول البطل الأوليمبي بسيارته إلى مكان انتظار السيارات.
قال الجندي في منشوره عبر فيسبوك: حصل موقف النهاردةه عند مجمع حمامات السباحة باستاد القاهرة الساعة 6 الصبح، وأنا داخل التمرين، الأمن قال لي إن هناك تعليمات بعدم دخول العربيات للـ parking المخصص لحمام السباحة، ولا حتى الركنة في محيط الباب الخارجي للجراچ، يعني لو عايز تركن يبقى تروح تركن بعيد عن الباب بحوالي 100 متر يعني انت محتاجلك حوالي من 10 لـ 15 دقيقة عشان توصل لحمام السباحة نفسه بسبب مسافة الـ parking الكبيرة أساسًا.
وتابع لاعب الخماسي الحديث: المهم بسأل الأمن ليه التعليمات دي قال لي أصل في مسئول كان داخل حمام السباحة أمس الثلاثاء اتعطل 12 دقيقة! فالدنيا اتقلبت والمسئول قرر إنه يعاقب الكل إن مفيش عربيات تدخل الـ parking اللي بياخد حوالي 200 عربية بدون عمل أي اعتبار أن ده لاعب منتخب ولا أي حاجة.
وسرد أحمد الجندي لاعب الخماسي الحديث قائلا، مش بس كده لا، ده كمان محدش يركن في محيط الباب الخارجي أصلًا اللي هو أنا بعاقبك انك هتدخل بشنط التمرين 15 دقيقة مشي الساعة 6 الصبح وتتأخر على تمرينك عشان أنا المسئول أركن مكان الـ200 عربية، يعني أنا أبقى صاحي 5 الصبح، وورايا يوم طويل عشان اروح مكان التمرين اللي هو أصلا المفروض تبقى كل حاجة متسهلة فيه مش بنقول بقى ده موقف في الشارع فطبيعي أنه يحصل، ومع كامل احترامي الفكرة إن "المسئول ده المفروض أنه عارف قد ايه أن اللاعب بيبقى الصبح صاحي مش شايف قدامه من قلة النوم أو المجهود فبدل متيسر له تمرينه لا إحنا نعطله أكتر.
اختتم صاحب فضية طوكيو 2020 في الحماس الحديث، أنا مش هربط الموضوع ده بموضوع محمد الشوربجي، لاعب الاسكواش لإن المشكلة ده تعتبر نقطة في بحر وممكن أي حد تاني يشوفها مش مستاهلة ولا أي حاجة، لكن لا أي حد بيلعب رياضة بشكل محترف هيفهم النقطة، في أن كل واحد فينا مبيصدق يلاقي حاجة تريحه يعني أنا لو عليا كنت ركنت عربيتي مكان الـ start بتاع حمام السباحة.
