سيدة الأعمال المتهمة بخطف سائق: باعني واشتغل مع غريمي | تحقيقات
كشفت التحقيقات تفاصيل مثيرة في واقعة خطف مواطن على يد 8 أشخاص بتحريض من سيدة أعمال، بعدما انتحلوا صفة رجال شرطة، بعد اقتحام منزله، واصطحبوه في سيارة من الجيزة إلى محافظة قنا لإكراهه على توقيع إيصالات أمانة.
تفاصيل الواقعة
وحصل القاهرة 24، على اعترافات المتهمة الرئيسية بالتحريض على ارتكاب الواقعة، وتدعى رانيا محمود، سيدة أعمال، وجاءت كالتالي:
س: ما الذي حدث وما هي ظروف ضبطك وعرضك علينا؟
ج: اللي حصل أنا رجعت يوم الجمعة اللي فاتت من قنا، أنا وأحمد طه وياسين، نزل ياسين عند بيت نسايبة وروحت أتعشيت أنا وأحمد طه، وبعدها طلعت على الشقة عندي طلعت الشنط والأوراق اللي كانت في العربية وبعد ما طلعنا الشقة بنص ساعة لقينا الباب بيخبط لما فتحت الباب وجدت موظف الأمن وحوالي 10 من المباحث ومعاهم ياسين وخلالها قاموا بتفتيش الشقة، أخدوا الأوراق بتاعتي اللي كانت في الشقة وخدوني أنا وأحمد وعربیتی وطلعوا بينا على قسم الجيزة.
س: متى وأين حدث ذلك؟
ج: الكلام ده حصل يوم السبت الموافق 26 مارس 2022 في الشقة بتاعتي اللي موجودة داخل كمبوند.
س: من كان برفقتك؟
ج: كنت أنا وأحمد طه عبد التواب.
س: كم عدد القائمين بضبطك وما هي أسمائهم؟
ج: كانوا حوالي 10 أشخاص معرفش حد فيهم غير الضباط اللي كانوا معاهم.
س: هل استبان لك سبب ضبطك؟
ج: لا
س: هل من ثمة تفتيش لشخصك؟
ج: أيوة فتشوني وفتشوا الشقة
س: ما الذي أسفر عن التفتيش؟
أخدوا من الشقة الأوراق اللي كانت موجود وخدوا ثلاث فلاشات من الشقة واخدوا مني 2 تليفون والعربية.
س: ما صلتك بالمضبوطات المعروضة عليك الآن؟
ج: أنا معرفش غيرالتليفون بتاعي بس
س: من اين استحصل عليهم ظابط الواقعة؟
ج: التليفون بتاعي خدوه من على المكتب، من الشقة عندي ومعرفش الظابط جاب باقي الحاجة منين.
س: هل من ثمة علاقة سابقة بينك وبين المجني عليه ياسين ممدوح؟
ج: أيوة
س: ما طبيعتك تلك العلاقة؟
كان موظف عندي في الشركة من شهر 6 2018 كان بيخلصلي أوراق الشركة في القاهرة.
س: ما هي طريقة انتقال المجني عليه سالف الذكر إلى مكان تواجدك بمحافظة قنا ؟
ج: مسألتوش هو جه ازاي هو تقريبا جالي بالقطر أو بالباص ووصل عندي كانت الساعة أربعة أو خمسة الصبح.
س: كيف نما إلى علمك وسيلة المواصلات التي استخدمها المجنى عليه للوصول إلى محل تواجدك؟
ج: لأن هما دول الوسيلتين اللي ممكن يوصل بيهم بقنا
س: هل كان برفقة المجنى عليه أحد ؟
ج: كان جاي لوحده.
س: وهل أنت من قمتي باستقبال المجني عليه فور وصوله إلى مكان تواجدك؟
ج: أيوة انا اللي فتحلته الباب بعد ما شوفت مين اللي كان بيرن الجرس في الكاميرات اللي في البيت وشوفته واقف قدام الباب.
س: وما كان برفقتك المنزل محل تواجدك؟
كنت انا وجوزي وأولادي بس
س: ما هي المدة الزمنية التي مكث فيها المجني عليه بمحل إقامتك بمحافظة قنا؟
ج: فضل موجود 4 أيام
س: وما سبب مكوث المجني عليه سالف الذكر طول هذه المدة؟
ج: وهو جالي كان بيحكيلي عن المشاكل اللي حصلت بينه وبين عمرو.ع، في الشغل عن المشاكل الأسرية اللي نتجت عن فصله من الشغل عند عمرو.ع، وطلب مني إنه عايز يشتغل معايا تأني وأنه هيجي يشهد معايا في المحكمة إن الشركة بتاعتي ليها فلوس عند شركة عمرو.ع.
س: ما هو وقت عودة المجني عليه؟
ج: أنا وياسين وأحمد طه رجعنا يوم الجمعة اللي فاتت مع بعض
س: هل من ثمة خلافات سابقة فيما بينك وبين سالف الذكر؟
أيوة
س: ما طبيعة تلك المشاكل تحديدًا ؟
ج: انا وهو كنا شغالين مع بعض من شهر أكتوبر لعام 2020، بعد كذا شركة النصر الوسيطة بعتلي اخد منها شركة المصطفى للنقل والمقاولات شغل مباشر ومن بعدها حصلت المشاكل بینی وبين عمرو.ع، وكانت مشاكل مالية علشان انا شركتي كان ليها فلوس عند عمرو.ع، صاحب شركة اسمارت كمباني مقابل خدمة نقل خام الفوسفات لمدة شهرين.
س: وما طبيعة العلاقة بين المجنى عليه یاسین ممدوح بن محمد والمدعو عمرو عزت ؟
ج: یاسین كان شغال معايا في الشركة بتاعتى شغال مع عمرو في شركته لكنه باعني واشتغل مع غريمي.
س: ثمة خلافات سابقة فيما بينك وبين المجنى عليه سالف الذكر ؟
ج: لا
س: وما طبيعة علاقتك بالمتهم أحمد الله عبد التواب ؟
ج: في بيني وبينه شغل نقل وهو صاحب 5 سيارات شغالين في نقل الفوسفات وشغالين مع بعض في نقل السن
س: منذ متى نشأت علاقتك بالمتهم بسالف الذكر؟
ج: أنا اعرفه من سنتين فاتوا من بعد وفاة والده
س: ما قولك فيما جاء المتهم أحمد طه عبدالتواب بتحقيقات النيابة العامة من أنه وحال مرافقته لشقيقك المتهم إسلام محمود، مستقلين سيارة ومتوجهين من القاهرة إلى قنا ورد إليه اتصال هاتفي طلب منك المتهم سالف الذكر لمقابلة المجني عليه ليستقل السيارة برفقتهم بتواجدك؟
ج: الكلام ده محصلش
