عليك 10 جنيه.. فيديو يثير غضب مستخدمي فيسبوك لـ متسولين يحسبان حصيلة اليوم
تداول رواد مواقع التواصل الاجتماعي فيديو لـ رجلين متسولين يتناقشان حول المبلغ الذي قاما بتجميعهـ واصفين إياه بأنه قليل رغم ظهور أحدهم ممسكًا الكثير من المال في يده، مما أثار غضب مستخدمي السوشيال ميديا.
فيديو يثير الغضب
ويظهر الفيديو الذي نشره أحد رواد السوشيال ميديا، أحد الرجال يرتدي عباءة متسخة وشال على رأسه، ويحمل بيده الكثير من المال ويعده، ويتشاجران معًا حول ما جمعه في يومه وأنه لم يجن مبلغا جيدا اليوم، بينما يرد الآخر أنه معه الكثير.
كما طلب الشخص الذي يتحاور مع الرجل ذات عباءة متسخة أن يعطيه 10 جنيهات كان مدينا بها له، بينما رفض الثاني وقال له إنه هو الآخر مدين له، وكتب الناشر فيديو: بيتخانقوا إنه اليوم مش كويس وهما لسه في أول النهار والشمس ضاربة.. بيعمل مرتبك الأسبوعي إن مكنش الشهري في يوم واحد.
وعلق أحد رواد السوشيال ميديا عبر فيسبوك: فيه شحاتين مش بياخدوا غير ورق بس فوق العشرة أو الـ20 جنيه صحيح..يعني لو جيت تديهم جنيه هيقولك شكرا انا مش بشحت يابني وبيبقوا لابسين نضيف.
ردود أفعال مستخدمي فيسبوك
بينما علق آخر: المشكلة انك لما مبتديهوش بيحسسك إنك أناني وأقذر ما أنجبت البشرية، وبتقعد فترة متأنب.
وقال آخرون بسخرية: أنا الآن بحضر جلابية مقطعة عشان الفكرة بدأت تنونو في دماغي.. ما تشوفلنا سعر الجلاليب دي كام.
وروى أحدهم في تعليقه على الفيديو: في واحد عند الكلية رجله متعورة وكل يوم بيقعد وبيحط عليها مرهم سبحان الله بقاله 4 سنين رجله مخفتش والله أكبر بيلم قد كدا كل يوم وبقاله كام سنة على كدا من قبل ما اخش الكلية أصلا+ إنه مسرح عياله حوالين الكلية بتجري ورانا عشان نديهم حاجة، وواحدة كانت هترمي عليا بيبسي عشان مرضيتش أديها فلوس.
