إحنا حكومة افتح الباب.. كواليس التعدي على شخص وإجباره على التوقيع على 15 إيصال أمانة بالجيزة
كشفت التحريات والتحقيقات تفاصيل مثيرة في واقعة خطف مواطن على يد 8 أشخاص بتحريض من سيدة أعمال بعدما انتحلوا صفة رجال شرطة، وقاموا باقتحام منزله في وقت متأخر واصطحبوه إلى سيارة من الجيزة إلى محافظة قنا لإكراهه على توقيع إيصالات أمانة.
تفاصيل الواقعة
بدأت بقيام زوجة المجني عليه بتقديم بلاغ يفيد باختطاف زوجها على يد 5 أشخاص انتحلوا صفة رجال شرطة من داخل المنزل وحرر محضر رقم 2748 لسنه 2022 إداري بولاق الدكرور، بجمع المعلومات والتحريات تم تحديد مرتكبي الواقعة وهم 8 أشخاص وسيدة أعمال صاحبة شركة للنقل والمقاولات.
واستمعت جهات التحقيق إلى المجني عليه في الواقة، قائلا: اللي حصل أنا ومراتي وابني كنا لسه راجعين من برا، أول ما دخلنا البيت بعدها ب 5 دقائق الباب خبط وسألت مين قالولي إحنا حكومة، وبعدين قلتلهم أنتو عايزين إيه قالولي افتح واحنا هنقولك فكلمت جاري اللي تحت، وقتلته في ناس بتخبط عليا وبيقولولي إحنا حكومة.
وتابع المجني عليه في التحقيقات، لما قفلت معاه لقتهم بيكسروا الباب ودخلوا ضربوني وشتموا مراتي وخدوني على الأسانسير ونزلنا تحت ركبوني عربية ميكروباص وبعدين غموا عنيا وكلبشوني ومشيوا بيا حوالي ساعة ونص تقريبا، وصلنا لمكان وهناك قالو ليا أنت في مقر تحت الأرض، وبعدين فضلت قاعد مدة طويلة وأنا متكلبش ومغميني، وبعدين جابولي عصير بعد ما شربته لقيت إن جسمي متخدر وبعدين ركبوني في شنطة العربية وبعدها محستش بأي حاجة، وبعدها عرفت إن أنا في منزل واحدة اسمها رانيا محمود، وأول لما فوقت لقيتها في وشي وبعدها لقيت اللي اسمها رانيا قالت ليا أنا جيباك هناك عشان تجبلي اللي اسمه عمرو. ع، قلتلها أنا سايب الشغل معاه من شهر 8 ومعرفش عنه أي حاجة وبعدها ضربوني وفضلت قاعد في البيت يومين.
واستطرد المجني عليه أمام التحقيقات،" ولقيت محامي جاي بيمضيني على أوراق كتيرة حوالي 15 دفتر، بعدها رانيا قالت ليا إني هتصل بعمرو هقوله إني عايز أرجع الشغل علشان نعرف نحدد مكانه فين، ونبعت الناس اللي جابوك يروحوا يجيبوه، وبعدها قالت ليا مجرد ما نستلم عمرو هديك الورق اللي أنت مضيت عليه، بعدها خدوني بالعربية ورموني أسفل محور صفط اللبن وبعدين رجعت البيت وفي نفس اليوم طلعت على القسم وتم تحرير محضر، وجابوني على هنا.
