فاطمة كشري: رئيس حي شبرا وافق يديني محل بدل من العربية.. ومستنيه الورق يخلص
استجاب رئيس حي شبرا، لطلب الفنانة فاطمة كشري، بشأن توفير التراخيص اللازمة للحصول على محل بيع كشري بدلًا من عربة في الشارع.
وقالت فاطمة كشري في تصريح لـ القاهرة 24: تواصل معايا رئيس الحي، واستجاب لطلب إني محتاجة محل أبيع فيه كشري بدل من العربية في الشارع، وبعتلي 4 من مسؤولي الحي، وقدمت لهم الورق اللازم عشان إجراءات الترخيص ومستنية الموافقة.
وكانت فاطمة كشري، تعرضت خلال الفترة الماضية لأزمة صحية، ظلت تعاني منها لفترة طويلة، حتى وجه الرئيس السيسي بعلاجها.
الحالة الصحية لـ فاطمة كشري
وقالت فاطمة كشري، خلال لقائها مع الإعلامية نشوى مصطفى ببرنامج بنت البلد، المذاع على قناة صدى البلد 2: الحمد لله صحتي بقت أفضل وأقدر أنط الحبل دلوقتي.
وأضافت فاطمة: خرجت من العملية الأخيرة كأني بنت بنوت.. بطني كانت اتشرطت، والرئيس وجه بعلاجي والمستشفى كلمتني وبعتولي عربية، الرئيس ده بدر منور كفاية إنه بيقوم من النوم يقول اللهم اكفيني شر نفسي اللي أنا نفسي مش بقولها، مضيفة: ربنا يحميك ويكفيك شر اللي يؤذيك وشر نفسك، لأنه يساعد الجميع، واحترام الدنيا فيه، وابن بلد.
وتابعت فاطمة كشري: جوزي ساب لنا لقمة حلوة وزبون حلو.. والحمد لله كله غلا الكشري ما عدا أنا.. لأني زبايني على قد حالهم وبسطاء الواحد منهم بييجي ليا جايب رغيفين وعاوز بخمسه جنيه.
