مرافعة النيابة العامة توضح خطة المتهمين في تمويل الإرهاب| صور
تواصل الدائرة الرابعة بمحكمة جنايات أمن الدولة، المنعقدة بمجمع محاكم طرة، نظر جلسات محاكمة عائشة خيرت الشاطر، و30 متهما في القضية رقم 1552 لسنة 208 حصر أمن الدولة العليا، والمقيدة برقم 1 لسنة 2021 جنايات أمن الدولة.
مرافعة النيابة تكشف طريقة المتهمين في تمويل الإرهاب
وقال ممثل النيابة العامة، إن أحد المتهمين في قضية عائشة الشاطر قال في التحقيقات: حد اسمه إبراهيم عطا كان بيجمع مننا فلوس عشان أسر المعتقلين، وكان بيخليني أجمع فلوس من الناس في المحافظات، وأقابله في الحي العاشر وأديله فلوس، والموضوع بدأ في شهر مارس 2018، لما قابلني واحد اسمه السلكاوي وأخدت منه مبلغ مالي ملفوف في ورق جرايد، وسلمتها لإبراهيم في موقف العاشر، وتاني مرة اتصلت بينا واحدة وقالتلي أنا عاوز أدي فلوس لإبراهيم وأخدت منها 2000 جنيه، وبعدها كلمتني واحدة في المنيل وأخدت منها مبلغ كبير، واديته لإبراهيم في موقف العاشر.
وأضاف المتهم، قائلًا: إبراهيم عطا عملي جروب اسمه الهدف، وكان كل الجروب بيتكلم عن احتياجات أسر المعتقلين، وكنت بشوف أحمد حتحوت وطارق السلكاوي، إنهم دايما كانوا بيحسوا الناس على جمع الفلوس لأسر المعتقلين، وضافوني في جروب تاني.
كما قال المتهم: تواصل معايا أشخاص كتير جدا منهم أسامة مبروك وكانوا من كل مكان، وكانوا بيدوني فلوس، واتقبض عليّ وأنا معايا 10 آلاف جنيه، كنت في طريقي لأسلمهم لإبراهيم.
وقالت متهمة أخرى تدعى سمية في قضية تمويل الإرهاب: أنا شوفت في التلفزيون إن الاعتصام في رابعة كان فيه أسلحة، وروحت هناك 3 مرات وهناك قابلت إبراهيم عطا، وطلب مني اشتغل معاه في جمع فلوس لأسر الشهداء، وهناك قابلت عائشة الشاطر وهدى وعرفت منهم انهم اخوان، وضافوني في جروب الهدف، وفعلا لميت فلوس 3 مرات.
