خالد الجندي عن المثلية الجنسية: إيموجي الراجل الحامل مش كرش ولكنها مقصودة
قال الشيخ خالد الجندي، عضو المجلس الأعلى للشئون الإسلامية، إن هناك نبيًا ذكره الله في القرآن الكريم 27 مرة في 14 سورة، وذلك يعني أن المسألة خطيرة.
وأضاف خالد الجندي، عضو المجلس الأعلى للشئون الإسلامية، خلال حلقة برنامج لعلهم يفقهون، المذاع على فضائية دي إم سي، اليوم الثلاثاء: لما تلاقي ربما ذكر نبي في القرآن الكريم 27 مرة في 14 سورة تبقى المسألة خطيرة، ربنا ذكر قصة النبي لوط 27 مرة في 14 سورة في القرآن الكريم يبقى أكيد الموضوع خطير، ودا عشان يوصلك رسالة مضمونها إن المنهج الأخلاقي بيتوازى مع المنهج العقدي ولا ينفصلان.
خالد الجندي يهاجم مجتمع الميم أو المثلية الجنسية
وتابع خالد الجندي، عضو المجلس الأعلى للشئون الإسلامية: لكن مجموعة lgpt، اللي هم مجموعة المثليين أو المتغير أو المتحول، اللي هو مجتمع الميم، الجمعيات الصهيونية تحاول فرضها على أولادك وعلى المجتمعات، متابعا: الجمعيات الصهيونية بتحاول تسقي هذا الأمر للأولاد بكوباية عصير، وبالتيشيرت اللي الأولاد بتلبسه فالولد من غير ما يحس بيعمل دعاية للمجتمع المثلي بشعارات هم عارفينها، والبرندات العالمية كلها بتفتخر بيهم.
خالد الجندي يهاجم مجتمع الميم أو المثلية الجنسية: في إيموجي رجل حامل فهذا ليس كرش ولكنه مقصود
وواصل خالد الجندي، عضو المجلس الأعلى للشئون الإسلامية: ألوان قوس قزح هو الشعار الدولي لمجتمع الميم، اللي بدأت لعب الأطفال المستوردة من الخارج تيجي على شكل أعلام وألوان الرينبو، مخدات الأطفال ومفارشهم وجزمهم، ومش هكتفي بدا في حاجة اسمها الإيميوچي اللي على الموبايل مليان شذوذ صور كلها شاذة ولو بصيت عليها هتلاقي صورة رجل حامل، وهذا ليس كرش فهو يقصد حمل الرجل.
