ميدو لـ المطالبين برحيل اتحاد الكرة: بتسلموا رقبتكم لـ أبو ريدة ومجاهد وترجعوا تعيطوا
رفض أحمد حسام ميدو، نجم الكرة المصرية، النغمة التي تتردد حاليًا، وتطالب باستقالة اتحاد الكرة؛ بسبب تراجع مستوى منتخب مصر.
وقال ميدو في تصريحات تليفزيونية: من يتحدثون عن استقالة اتحاد الكرة المصري؛ لا يعلمون أبعاد هذا القرار، فهناك من حارب ليجعل أي مسؤول يدير الكرة المصرية فاشلا؛ وذلك بسبب فشلهم السابق.
تصريحات أحمد حسام ميدو
وأضاف أحمد حسام ميدو: استقالة اتحاد الكرة الحالي، ستؤدي إلى تعيين لجنة مؤقتة من جانب فيفا لإدارة الكرة المصرية، واللجان المؤقتة يتم تعيينها للدول غير القادرة على إدارة شؤونها الرياضية.
وواصل: إحنا ما صدقنا خلصنا من اللجان المعينة، هنرجعلها تاني؟، هل إحنا حمل ده؟، في ناس عايزه تفضل تتحكم في الكورة المصرية، والناس دي مشيت خلاص، لكن لسه ليهم دروعهم الإعلامية اللي بيحاربوا أي حد في الكرسي حاليا.
وختم حديثه قائلا: ما صدقنا عملنا انتخابات، وفي جمعية عمومية اختارت، والناس اللي بتطالب باستقالة اتحاد الكرة؛ هل أنتوا عارفين أبعاد القرار؟، هل أنتوا فاكرين إن محمود طاهر هييجي مثلا، ووجوه جديدة هتيجي تدير الكرة المصرية؟ لأ، ده مش هيحصل، أنتوا بتسلموا رقبتكم لـ هاني أبو ريدة وأحمد مجاهد تاني، وهما دول اللي هيعينوا ناس تبعهم، وهنرجع تاني لنفس الأسماء، الفكرة دي فكرة فاشلة، وهترجعوا تعيطوا، وافتكروا إن الأهلي لعب كأس العالم للأندية من غير الدوليين؛ بسبب فشل لجنة مجاهد في الإدارة.
