سيبكم من الفنانين والكلام الفاضي ده.. حمود بيكا يدعم طفلة مصابة بضمور عضلات لجمع 40 مليون جنيه
دعّم مطربي المهرجانات حمو بيكا، حالة إنسانية تعاني من ضمور العضلات الشوكي، وتحتاج إلى حقنة تكلف 40 مليون جنيه، مشيرًا إلى أن هذا المبلغ لا يستطيع أحدا الحصول عليه طوال حياته.
وكتب حمو بيكا، منشورًا عبر حسابه الشخصي بموقع فيس بوك: أنا معنديش أولاد بس بحب الأطفال والحيوانات جدا، لو شفت حيوان مريض قلبي بيتقطع ما بالك بطفله، محتاجه حقنه بـ 40 مليون جنيه، رقم محدش فينا يقدره يعمله لو عاش عمره كله يحوشوا، بس لو كل واحد فينا اشترك بمبلغ هنعملوا.
حمو بيكا: أعمل في البنت الصغير خير وأنقذها
وتابع حمو بيكا: سيبكم من الفنانين والمطربين والكلام الفاضي ده ياجماعة.. إحنا قد كل حاجة وربنا معانا.. لو نفسك ربنا يكرمك في حاجة بتحبها أو عاوز تطلع صدقة جارية لأمك، أبوك، أخوك، أختك، صاحبك.. أعمل في البنت الصغيره دي خير، وأنقذها من مرض هيخليها تعيش متعذبه طول عمرها لو ملحقتهاش..أعمل فيها الخير والصدقة.
واختتم حمو بيكا قائلًا: قرش منك على قرش مني في الكام اليوم اللى هيبقوا، وبإذن الله نلحقها.
على جانب آخر، أثار حمو بيكا، مؤخرًا جدلًا كبيرًا على مواقع التواصل الاجتماعي، بعد مشاركته جمهوره بفيديو له، ظهر فيه داخل أحد الصالونات، وهو يضع في يديه مانيكير وباديكير، معلقًا عليه: دا مش باديكير.. دي عملية جراحية، وهو ما جعله محلًا لسخرية العديد من رواد مواقع التواصل الاجتماعي.
