بدرية طلبة عن ياسمين عبد العزيز: بطبلها وهمسك رق وأتحزم وأرقص لها
ردت الفنانة بدرية طلبة على الانتقادات التي وجهت لها بسبب ما وصفه البعص “تطبيل” لـ الفنانة ياسمين عبد العزيز، لحديثها الدائم عنها ودعمها بشكل مستمر.
وقالت بدرية طلبة، خلال لقائها في أحد البرامج التلفزيونية: الناس اللي بتقول بطبل لها أه صحبتي وتستاهل وبحبها وهطبل لها وأمسك رق وأتحزم وأرقص لها كمان.
وأضافت: مش مصلحة في حاجة اسمها عشرة وعيش وملح وصداقة إيه الجديد علشان بشتغل مع ياسمين ما أنا دايمًا بشتغل معاها، وبشتغل مع كتير أوي هطبل لهم كلهم وكل اللي في الوسط صحابي ولو أي حد حصل له حاجة هقف معاه لو ما نقفش جمب بعض هنجيب مين يقف.
وتابعت: إحنا العشرة اللي بتتولد بينا في الكواليس بتخلينا نقرب من بعض، وحتى لو مش بحب فلانة ولو لقيت حد ضايقها هدافع عنها والمثل بيقول أنا وأخويا على ابن عمي وأنا ابن عمي على الغريب.
من ناحية أخرى، تحدثت بدرية طلبة عن جدل خطف ابنة شقيقها، معبرة عن استيائها الشديد من الهجوم الذي تعرضت له، حيث اتهمها البعض بالكذب، وقالت: مش محتاجة ترنيد لأن اسمي لوحده ترنيد، الناس بتحلل كل حاجة حسب هواها، بشكر الداخلية وقفت معايا في مصر ومع ابن أختي في إسكندرية، وقالت لنا اعملوا محضر وفضلوا ورا الموضوع لحد ما اطمنوا وطمنونا.
وأشارت إلى أن الداخلية كذبت تعرض ابنة شقيقها للتخدير فقط، مضيفة: أنا ما قلتش أنها اتخدرت، وما شلتش البوست من فراغ ودخلت في جدل مالوش لازمة ولو عاوزة أطلع تريند عندي تعليق على البيدج قسما بالله لو حطيته على صفحتي مش هطلع تريند ده هيجبوا ليا حكومة تحافظ عليا ويحطوا ليا أمن تحت البيت.
