مينا النجار: الجيتار بوابة دخولي لـ ريفو.. وصوري القديمة وحفلات الجراجات ساعدتني في تجهيز شخصية نعمان | حوار
كشف الفنان مينا النجار كواليس مسلسل ريفو الذي حقق نجاحا كبيرا، ونال إعجاب الجمهور بشكل كبير، ونجح في تصدر تريند مواقع التواصل الاجتماعي فور عرضه، وأيضا كيف حضر لشخصية نعمان التي جسدها في المسلسل.
وتحدث الفنان مينا النجار عن أحلامه وطموحاته في التمثيل وذلك في حوار لـ القاهرة 24.
كيف دخلت إلى عالم التمثيل؟
أنا بدأت الأول في مسرح المدرسة، وبعد ذلك مسرح الجامعة، وبدأت أعمل اختبارات تمثيل في العديد من الكليات، ثم عملت في الأفلام القصيرة، وفي المسلسلات التليفزيونية مع الأستاذ إسماعيل عبد الحافظ، واشتغلت في أكثر من حاجة، ومنها فيلم إذاعة حب في 2011، وبعده مسلسلات جبل الحلال، إستيفا، الجماعة 1، الجماعة 2، الاختيار2، أنصاف مجانين، ثم ريفو.
شاركت في العديد من الأعمال الهادفة مثل فيلم ليل داخلي.. هل تبحث عن الشهرة أم إشباع الموهبة؟
أعتقد لازم يكون في توازن بين الاتنين، مش لازم تعمل حاجة على حساب التانية، كل واحد فينا بيبقى ليه حساباته الشخصية، ويجب أن يرى الشخص أين يقف حاليا، وهدفه الذي يريد التحرك نحوه، وأعتقد إن خلق توازن بين الاتنين هو ده المهم.
هل توقعت النجاح الكبير لمسلسل ريفو؟
أنا كنت عارف أن المسلسل هيطلع منه حاجة حلوة، والناس حطت مجهود بشكل كبير علشان العمل ده يطلع حلو، بداية من شركة الإنتاج إلى المخرج والمؤلف وجميع الممثلين بلا استثناء، وأعتقد إن ده هيبقى ليه صدى ومردود حلو على الناس.
كيف تم ترشيحك لدور نعمان؟
تلقيت مكالمة من مسؤولة بالإنتاج، سألتني: بتعرف تلعب الجيتار، وأجبتها بالنفي لكن قولت لها ممكن أتعلم، ومن هنا بدأت رحلتي مع المسلسل.
ماذا عن الكواليس مع كل من أمير عيد وتامر هاشم وحسن أبو الروس؟
عملنا بروفة ترابيزة في المكتب عند المخرج يحيى إسماعيل، وكانت أول مرة أقابل فيها أمير وتامر هاشم، وجلسة العمل كانت أشبه بالقعدة بين الأصحاب، وكلنا كنا بنتكلم عن حاجة بنحبها، وبدأنا نقرأ المشاهد، وإحنا كلنا كان فينا حاجات من بعض.
وكان فيه تعاون كبير بينا، فمثلا أنا لو مسكت الجيتار بطريقة غلط، كان أمير عيد ينبهني ويعرفني طريقة الماسكة الصحيحة.
إزاي حضرت لـ شخصية نعمان؟
كان في أكثر من مرحلة، ومنها مرحلة التسعينيات، وطلعت صوري القديمة، وافتكرت كنا بنعمل إيه زمان، وروحت لناس بتعزف على جيتار، ورحت حفلات في الجراجات.
هل تفضل المسلسلات الـ 10 حلقات أم الطويلة؟
من رأيي إنه من الضروري بيبقى فيه تكثيف بالدراما، والمسلسل بيرتبط بأحداثه وليس عدد حلقاته، والدراما والحدوتة هي اللي بتقول المفروض نعمل كام حلقة.
التمثيل بالنسبة لك هواية أم مهنة؟
مهنة وهعملها بشكل احترافي جدا، طول ما أنا قادر، والعلاقة ما بيني وبين الأدوار اللي أنا عملتها مهمة، كأني عملت شخص جديد.
طموحك توصل لـ فين في التمثيل؟
ربنا يكرم، أنا نجم بس مفيش سما، يعني مفيش سقف لأحلامي كل خطوة بعملها بيبقى في خطوة بعدها، النهاردة عملت مسلسل، بعد كده في أدوار تانية ممكن أعملها عالميا.
من هو النموذج والمثل الأعلى لك في التمثيل؟
في ناس كتير منهم، الأستاذ أحمد ذكي، ونور الشريف
