طه حسين كان بياكل بيض وبصل.. 10 نصائح من سمية الخشاب لطلاب الثانوية العامة قبل الامتحان

وجهت الفنانة سمية الخشاب، مجموعة من النصائح لطلاب الثانوية العامة قبل أداء امتحان اللغة العربية غدا الأحد، عبر حسابها على موقع التدوينات القصيرة تويتر.

ونشرت سمية الخشاب 10 نصائح لطلاب الثانوية العامة قبل امتحان اللغة العربية جاءت كالتالي: 

1- بشأن مذاكرة النصوص الأدبية، كتبت الخشاب: عندنا 6 مدارس أدبية، كل واحدة بتتكون من 6 نقاط، وأي مدرسة أدبية هيبقى فيها شعراء.

2- أي مدرسة أدبية فيها وحدة ولغة وموسيقي وزن وقافية.

3- المدرسة بيطغي فيها الصياغة على المضمون أو العاطفة على الأفكار، وفي موضوعات هنمسك واحدة واحدة نلمها فشوال.

4- متنسوش إن طه حسين كان بياكل بيض وبصل وأن الأرانب كانت بتنط من فوق السور، ‏وكان بيغطي رجله كويس عشان العفاريت متعبثش بصوابعه.

5- ‏أبوللو، يعني أبو للو، يعني الشعراء أول اسمهم أبو برضه، أبو شادي وأبو القاسم  وكانوا بيتمسكوا بالوحدة العضوية، وبيستخدموا لغة جديدة وألفاظ  أجنبية والقافية مزدوجة، وبيحبوا الطبيعة والمرأة عشان كده هي المدرسة المفضلة عندي.

6- ‏المهاجر، جبران وإيليا أبو ماضي، بيتمسكوا بالوحدة العضوية وبيستخدموا اللغة الحية، وعندهم تساهل في اللغة العربية  (مهاجرين بقى وإيزي يعني مش هيستخدموا كلام معقرب أكيد).

7- ‏الإحياء والبعث، دي فيها شوقي والبارودي، وبما إنها قديمة فالقصيدة بتقوم على وحدة البيت.

8 - الواقعية عندهم وحدة موضوعية، وعندهم إسراف في اللغة الواقعية اللي بتميل للرمز والغموض.

9-  الديوان زي العقاد والمازني قالوا بلا ألفاظ  قديمة بلا هم احنا نجود بلغة عصرية جديدة.

10- التعليم موهبة مش مهارة، عشان كده دايما بقولكم ارضوا بأي نتيجة وأكيد عندكم موهبة.

وفي وقت سابق، أعطت الخشاب عددًا من النصائح في مادة الكمياء، وتحديدًا في فصل الكمياء العضوية، وكتبت: هتلاقي أكتر حاجة داخل فيها أسهم البنزين، فانت هتبدأ في الامتحان بكربيد الكالسيوم هتنزل منه بسهم للأسيتايين، وبعدين تدخل بيه على البنزين، وتستلم البنزين بقى، البنزين طالع منه 6 أسهم، 4 تحت وواحد على اليمين وواحد فوق، افتكر الـ 4 اللي تحت ببنزين 80 و90 و95 وسولار.