الكومي لـ القاهرة 24: الإسماعيلي في العناية المركزة.. واتحاد الكرة عايز يموّته
كشف يحيى الكومي، رئيس النادي الإسماعيلي، موقف الفريق الأول لكرة القدم من عدم المشاركة في بطولة كأس مصر، والانسحاب من منافسات المسابقة بعد التأهل إلى دور الـ 16.
تصريحات يحيى الكومي رئيس الإسماعيلي
قال يحيى الكومي في تصريحات خاصة لـ القاهرة 24: اتحاد الكرة يضع نفسه في برج عالٍ بعيدًا عن الأندية، ولا يسمع لأحد، وهذه حاجة غريبة جدًا، مؤكدا: أنا لو عليا هنسحب من بطولة الدوري كمان.
وأضاف الكومي: متحملين العقوبات بعدم المشاركة في كأس مصر، ما دام اتحاد الكرة يرتضي ذلك، بدلًا من الجلوس مع النادي الإسماعيلي لمعرفة أزماته ومساعدته في حلها.
وأردف الكومي بـ: اتحاد الكرة مسئول عن الجلوس مع الإسماعيلي، حتى يعرف احتياجات النادي، ولكنه لا يتواصل معنا، أزمة اتحاد الكرة ولجنة الحكام أنهما لا يسمعان لأحد، ولا يهتمان لطلبات الأندية، مؤكدا: أنا هخليهم يسمعوا الأندية.
وواصل رئيس الإسماعيلي: لازم اتحاد الكرة يبقى معانا لازم يقف جنبنا، لازم يشوف الإسماعيلي عيان ليه، النادي بيصارع الهبوط لازم يشوف إيه المشكلة، بدل توقيع العقوبات المستمر على النادي.
واستكمل الكومي: اتحاد الكرة حصل على مديونية بلغت 4 مليون جنيه من الغرامات الموقعة على الإسماعيلي، همّا عايزين مننا إيه؟!
وكشف رئيس الإسماعيلي: أنا أعترض على منظومة الكرة المصرية بصفة عامة، وهذه رسالة موجهة إلى اتحاد الكرة، لجنة الحكام لا ترد علينا، تواصلت مع عصام عبد الفتاح رئيس اللجنة بعد أخطاء المباراة الماضية بين الإسماعيلي والمقاولون العرب لكنه لم يرد عليّ، رغم أنه يكفيني أن يعترف بوجود بالأخطاء ويتحرك لإصلاحها فقط.
واختتم: أنا عايز أصلح الكرة المصرية، أنا بعترف إن النادي الإسماعيلي عيان، هل الحل إنك تموته؟ هو ده اللي عايز تعمله خلاص، أنت عايز تموت الإسماعيلي كده، لو أنت عندك عيان في العناية المركزة، هل هتعالجه ولا هتموته؟ هو ده اللي بيحصل.
وتشير لائحة اتحاد الكرة في حالة الانسحاب، إلى حرمان الإسماعيلي من المشاركة في بطولة كأس مصر في النسخة المقبلة، مع توقيع غرامة مالية بقيمة 20 ضعف قيمة الاشتراك في المسابقة، التي تبلغ 10 آلاف جنيه، وبالتالي يُلزم الدراويش بسداد 200 ألف جنيه.
