قاتل نيرة أشرف أمام المحكمة: رفضت عملها كموديل.. واتصلت بيا وهددتني لما اتصدمت فيها
قال محمد عادل، المتهم بقتل نيرة أشرف، طالبة جامعة المنصورة، إنه تلقى تهديدات من نيرة أشرف، بعد رفضه عملها كعارضة أزياء.
وأضاف الطالب محمد عادل، المتهم بقتل نيرة أشرف، من داخل قفص الاتهام في محكمة جنايات المنصورة، بأولى جلسات محاكمته: أنا بعمل لها كل حاجة، وقولتلها انتي مش محتاجة اللي بتعمليه ده وبطلي شغل الموديل، وبعد كدة لقيت واحدة بتتصل بيا، وتهددني لما اتصدمت فيها، ولقيت كمية تهديدات فاتصدمت، والأهالي ماكنش عاجبهم الكلام ومارضتش أدخل أهلي، ولما حصل الموضوع ده فضلت مصدوم، وقولت أديها فرصة.
وتابع المتهم بقتل نيرة أشرف: كنا بنتقابل واتعرفت على مامتها، وكانت بتقولي تعالى نشتري حاجات، واكتشفت إن أبوها ما يعرفش ولا أي حاجة، وأبوها كان قاعد مايعرفش قصة ارتباطنا، رغم إني رايح اتخانق مع بنته، وبعد أسبوعين بالظبط كنت بعملها كل حاجة.
محاكمة قاتل نيرة أشرف
وبدأت منذ قليل، محكمة جنايات المنصورة، برئاسة المستشار بهاء الدين المري، نظر أولى جلسات محاكمة محمد عادل، لاتهامه بقتل الطالبة المجني عليها نيرة أشرف عمدا مع سبق الإصرار، حيث بيت النية وعقد العزم على قتلها، وتتبعها حتى قام بقتلها أمام أسوار جامعة المنصورة، وباغتها بسكين طعنها به عدة طعنات، ونحرها؛ قاصدا إزهاق روحها، وجاء قرار الإحالة بعد 48 ساعة من وقوع الحادث.
من جانبها، قامت الأجهزة الأمنية، بتكثيف تواجدها أمام وداخل محكمة جنايات المنصورة اليوم الأحد، قبل بدء جلسة محاكمة المتهم بقتل نيرة أشرف.
