ملحن أغنية حاجة مستخبية لـ شاكوش: سكوتي مش قلة حيلة اديت فرصة لعيال لسه طالعة
علق محمد مدين، ملحن أغنية حاجة مستخبية للمطرب محمد حماقي، على تصريحات مطرب المهرجانات الشعبية حسن شاكوش، التي أوضح خلالها عدم سرقته للحن أغنية حماقي في مهرجان بنت الجيران، وأنها مأخوذة من لحن لأغنية تركية.
وقال مدين في تصريحات لـ القاهرة 24: مش هسكت عن حقي المرة دي، لما سكت المرة اللي فاتت فهموا إنه قلة حيلة مني، واديت فرصة لعيال لسه طالعة ياكلوا عيش، هو مقدرش اللي عملته معاه، لما قبلت الاعتذار ومفهمش إنها فرصة لبداية.
وأضاف: أكبر دليل على نجاح المهرجان هو لحنه اللي علق مع الناس، ولو بعدد المشاهدات فالقاتل بيعمل مشاهدات أكتر من كده، وكمان المشاهد اللي فيها فضايح، والمعيار مش بعدد المشاهدات، المعيار هو إنك تعمل فن نضيف.
وكان أول رد من الملحن مدين على تلك التصريحات هو حذفه لمهرجان بنت الجيران، من القناة الرسمية الخاصة بحسن شاكوش من موقع الفيديوهات الشهير يوتيوب، وكتب عبر صفحته الرسمية على فيسبوك، الآتي: الخطوة الأولى أغنية بنت الجيران اتقفلت ولسه، شكرًا لشركة نجوم ريكوردز وشكرًا لشركة أي ميديا.
وأشار حسن شاكوش خلال حواره مع الإعلامي عمرو أديب، بالأمس، إلى أنه لم يسرق لحن مهرجان بنت الجيران، من أغنية حاجة مستخبية للفنان محمد حماقي، بل إن لحن أغنية حماقي مسروقة من لحن أغنية تركية، موضحًا أنه لا يتقاضى سوى ثلث إيرادات الأغنية، من موقع الفيديوهات يوتيوب، وحصل حتى الآن على ما يقرب من 100 ألف جنيه.
