أول تعليق من حسن شاكوش بعد أزمته مع صناع حاجة مستخبية: مش قصدي أغلط ومدين أخويا
نشر مطرب المهرجانات حسن شاكوش، مقطع فيديو أوضح من خلاله المقصود بحديثه عن أغنية حاجة مستخبية لحماقي، بعدما أكد عدم سرقته للحن في مهرجان بنت الجيران، مشيرًا إلى أن أغنية حماقي هي مأخوذة من لحن لأغنية تركية.
وقال حسن شاكوش في الفيديو الذي نشره عبر حسابه بموقع انستجرام: هتكلم كلمتين على السريع، عمرو أديب كان بيقول بنت الجيران بتاعة حماقي فأنا كنت بقول له الأغنية بتاعتي ماليش دعوة بحماقي، هو فكر أننا سارقين بنت الجيران، فأنا كنت بوضح له الرؤية حاجة مستخبية هي اللي كانت عليها كلام واتقال أن لحنها تركي.
وتابع: مش قصدي أغلط في حد، ولا أغلط في حق حد وعمري ما غلطت في حد أنا في شغلي وماليش دعوة بحد في المجال، كلهم أصدقائي وربنا يرزق كل الناس واللي ملحن أغنية حاجة مستخبية مدين أخ ليا واتكلمت معاه كتير، وتحياتي لكل أسرة العمل مش بحب حد يزعل مني لو في سوء تفاهم بقول ما تزعلوش.
وكان مدين قال في تصريحات لـ القاهرة 24، إنه لن يسكت عن حقه هذه المرة، مضيفصا: لما سكت المرة اللي فاتت فهموا إنه قلة حيلة مني، واديت فرصة لعيال لسه طالعة ياكلوا عيش، هو مقدرش اللي عملته معاه، لما قبلت الاعتذار ومفهمش إنها فرصة لبداية.
كما قام مدين بحذف مهرجان بنت الجيران، من القناة الرسمية الخاصة بحسن شاكوش من موقع الفيديوهات الشهير يوتيوب، وكتب عبر صفحته الرسمية على فيسبوك، الآتي: الخطوة الأولى أغنية بنت الجيران اتقفلت ولسه، شكرًا لشركة نجوم ريكوردز وشكرًا لشركة أي ميديا.
