محمود الليثي يناشد هاني شاكر بالعدول عن الاستقالة: أنت قادر تستحمل المصايب الكبيرة
ناشد المطرب الشعبي محمود الليثي، الفنان هاني شاكر، بالعدول على قرار استقالته من نقابة المهن الموسيقية، بعد أزمة العازف سعيد الأرتيست وحسن شاكوش.
وخرج محمود الليثي في بث مباشر على صفحته الرسمية بـ فيس بوك، قائلا: أنا ضد استقالة الأستاذ هاني شاكر، إحنا عارفين إنك تعبت واتخنقت بس المصريين بتوع الحمِل والمواقف ورجالة، زي المصايب الكبيرة بيبقى فيه من مصر رجالة تاخد بإيدينا، حضرتك قيمة وقامة حقك عليا أنا.
واستكمل محمود الليثي حديثه: أنا واحد من الناس اللي بتحبك، من قبل ما تبقى قيمة وقامة في النقابة، وحياتي عندك بقولك متسبناش، حقك عليا أنا، الناس اللي بتحبك أكتر من الناس اللي ضدك، وحياة ولادك، إحنا بتوع الصعوبات ربنا خلق المصريين عشان يكونوا قدها.
وأضاف محمود الليثي: طب إحنا هنروح فين طيب متسبناش، والنبي لتتراجع عن القرار ده عشان الناس الموسيقيين اللي بتحبك، ومحدش قالي أعملك فيديو ولا لايف، أنا عارف أنك من جواك رحيم، ومصر بلد الرجالة.
استقالة هاني شاكر
وأعلن الفنان هاني شاكر نقيب الموسيقيين، أمس استقالته من نقابة المهن الموسيقية، بعد نشوب مشادة في مؤتمر اعتذار حسن شاكوش لشعبة الإيقاعيين، وعلى رأسهم العازف سعيد الأرتيست.
وبعدها تم إلغاء المؤتمر الصحفي، وانسحب جميع أعضاء مجلس نقابة المهن الموسيقية بعد المشادة الكلامية.
