فاطمة عيد: راهنت عشان أتجوز اللي بحبه رغم إنه متجوز ومخلف
كشفت الفنانة فاطمة عيد سبب غيابها عن الوسط الفني خلال الفترة الماضية، بجانب الحديث عن أمنيتها بإنجاب ولد وتفاصيل علاقتها مع زوجها.
فاطمة عيد: زعلانة على الوسط الفني
وقالت فاطمة عيد في تصريحات تلفزيونية: أنا مش قصدي أبعد عن الفن، ولكني زعلانة على الوسط الفني لأن الفنان بقى مظلوم، وأنا هرجع قريب لأن ليا محبين من جميع الأعمار.
وواصلت فاطمة عيد: بحب أخد رأي جوزي في كل حاجة، ودا مش تحكم ولكن مفيش حد هيخاف عليا أكتر منه، وهو مؤلف وملحن وإنسان متعلم ومثقف وبلجأ له، وأول ما أتقابلنا حسيت إني هتجوزه وقولتله، وكان فاكر إني بهزر لأنه كان متجوز وعنده أولاد وأكبر مني، ولكن بالفعل قعدنا نتكلم سنتين وبعدين اتجوزنا.
أما عن أمنتيها في إنجاب ولد، علقت فاطمة عيد قائلة: كان نفسي أخلف ولد وكنت بكلم ربنا وأدعي له، بس فهمت أن محدش يقدر يعاند مع ربنا ورزقني بـ4 بنات، وأزواجهم بعتبرهم ولادي وبقول الحمد لله وراضية، واقتنعت أن مفيش فرق بين الولد والبنت.
وأكدت فاطمة عيد أنها تحيي بعض حفلات الزفاف دون مقابل لأنها تحب مجاملة المقربين منها، كما أنها غرست في بناتها هذه القيم، منها حب الغير والمجاملة والمواظبة على الصلاة، قائلة: اللي بيقرب من ربنا الناس بتحبه، وأنا وعائلتي بنصلي جماعة دائما، ومش بنضيع أي فرض، وبنتي لم تعتزل الغناء، ولكن مفيش عمل مناسب.
