القبض على المتحرش بشقيقة هنا الزاهد
كشفت شيرين المنزلاوي والدة هنا وفرح الزاهد، تفاصيل تعرض ابنتها الصغرى البلوجر نور الزاهد للتحرش، خلال وجودها بالقرب من أحد المراكز التجارية، ما دفعهم لاستدعاء الشرطة.
القبض على المتحرش بشقيقة هنا الزاهد
وقالت شيرين المنزلاوي، في تصريحات لـ القاهرة 24، إنه تم القبض على المتحرش، معبرة عن امتنانها بسرعة التدخل من قبل الشرطة واتخاذ موقف صارم تجاهه.
وأضافت موجهة نصيحة للفتيات: محدش يخاف، حق أي بنت إنها تمشي بأمان وما تخافش وما حدش يبص لها؛ لأن في نظرة بتعريها، والمفروض أي بنت لها حق ترفض أي نظرة مش عجباها، وتاخد حقها؛ علشان يتعلموا إن ما فيش حاجة زي دي تحصل ويسكتوا عليها.
وتابعت: مش هنستنى لما واحد يدبح واحدة زي نيرة أشرف، إحنا بنعلم ولادنا ما يسكتوش على الصغيرة؛ علشان ما يحصلش الحاجة الكبيرة.
ونشرت الفنانة فرح الزاهد، صورة للمتحرش عبر ستوري حسابها الخاص بموقع إنستجرام، وعلقت عليها: طيب دلوقتي الراجل ده متحرش واقف في مول مصر عمال يتحرش بالبنات وحاجة في منتهى قلة الأدب! مرحمش حتى أختي الصغيرة من المعاكسات والكلام الزبالة وعمال يغمزلها وحاجة تخدش حياء أي بنت.
وأكملت: وهي واقفة عند البنك هي ووالدتي، فزعقوا فيه، يروح مبجح فيهم ويقل أدبه، ويقول: أنا معملتش حاجة، ومجتش جمبها، والناس حواليه عادي جدا، مفيش راجل واحد بس عايز يتكلم!، طلبنا النجدة، ويا رب يكون في استجابة سريعة؛ عشان نقضي على الأشكال الزبالة دي.
