السيسي: اللي بيتعمل في مصر غير مسبوق ومعمول بالله.. وليا الشرف والعزة على دعمه ليا
قال الرئيس عبدالفتاح السيسي، إن ما يحدث في مصر من تنمية غير مسبوق، ولكنه نفذ بالله.
وأضاف الرئيس السيسي، خلال كلمته منذ قليل، على هامش افتتاحه عدد من مشروعات مصر الرقمية لوزارة الاتصالات وتكنولوجيا المعلومات: نعمل بالجامعة اليابانية منذ 2010، اليوم منتظر التصميمات لتنفذ.. بكلم المصريين إزاي يبني ويعملوا دولة.. الدكتور أحمد قالي هجيب التبرعات بتاعتها وجابلي 500 مليون جنيه، لكن بدأت رحلة مرضه، وبعدها توفاه الله.. نسيب الجامعة وماتتعملش؟.. 95% من المرحلة الثانية انتهت، وهنوري المصريين إيه اللي بيتعمل في البلد دي.. اللي بيتعمل في مصر غير مسبوق ومعمول بالله، وليا الشرف والعزة وكل الرضا على دعمه، إني أقدر أعمل الكلام دا. البلد دي هيساعدنا في بناها ربنا وهتبقى في مكان تاني وبكرة تشوفوا ده بيتحقق.
وأوضح الرئيس عبدالفتاح السيسي، تكلفة مشروعات مصر الرقمية، حيث احتاج المركز الواحد لنحو 10 مليارات جنيه إنشاءات مدنية، فيما كلفت الحكومة الذكية الدولة 100 مليار جنيه، قائلًا: عشان نحول الدولة إلى جمهورية جديدة أحتاج ذلك أرقام كبيرة جدا.. البلاد تعيش لتبني وتعمر لتأخذ مكانها بين الأمم بالأفكار والصبر والتضحيات.
منصة مصر الرقمية
يذكر أن الرئيس السيسي، افتتح عددا من مشروعات مصر الرقمية لوزارة الاتصالات وتكنولوجيا المعلومات، صباح اليوم.
من جانبه، قال السفير بسام راضي، المتحدث باسم رئاسة الجمهورية، إن رئيس الجمهورية سيشهد إطلاق منصة مصر الرقمية، وكذلك افتتاح عدد من المشروعات عبر الفيديو كونفرانس، مثل محطات إنزال الكابلات البحرية في كل من رأس غارب، الزعفرانة، وسيدي كرير، فضلًا عن افتتاح مركز البيانات الدولي بالقاهرة، مدارس المصرية للاتصالات للتكنولوجيا التطبيقية، مراكز إبداع مصر الرقمية، وتطوير متحف البريد المصري.
