محمد نجاتي: السيناريوهات الهابطة مكانها الزبالة والحرق كمان.. هي مش قرآن
أكد الفنان محمد نجاتي، أنه لم يندم على تصريحه السابق الذي سخر فيه من السيناريوهات الضعيفة أو الهابطة حسب وصفه، التي كانت تعرض عليه، إذ قال حينها أنه كان يعطي هذه السيناريوهات لوالدته لكي -تصفي عليها البطاطس-.
وقال محمد نجاتي في لقاء مع القاهرة 24: لما قلت أني كنت بدي السيناريوهات الرديئة لأمي تنشف عليها البطاطس.. كان قصدي على سيناريو فيلم أحاسسيس لما اتعرض عليا واللي كل الممثلين فيه تنصلوا منه.
وأضاف: ما ندمتش على التصريح، لأن السيناريوهات دي بيكون مكانها الزبالة والحرق كمان لو مسيئة، هو قرآن؟.. هو مفيش كاتب مش بيغلط، أكيد فيه واحد فيهم قاصده يفشي الفحشاء.
وأوضح: في أعمال تورطك وفي أفكار ممكن تضيعك على المستوى الإنساني، احترمها إزاي وأوصفها بإيه؟، لو بحرضك أو أوجه فكرك بشكل أو بآخر ولما أطلع في أعمال أقوي الشباب على أهله في الوقت اللي ربنا أمرك بالإحسان ليهم، وأقول ده عمل درامي وقوي، يبقى الورق ده مكانه الزبالة هو قرآن، ومكانه الحرق كمان.. أنا ضد الأعمال السيئة أو اللي تبعدك عن الوطنية.
وكان الشاعر الغنائي أيمن بهجت قمر، هاجم محمد نجاتي، بسبب تلك التصريحات، وكتب، عبر حسابه بموقع فيس بوك: بيحط البطاطس في السيناريو اللي مبعوت له لو مش عاجبه عشان ماما تنشف الزيت بيه، بيهين السيناريو، برغم إني أكيد عمري ما بعت لده سيناريو.. بس بصراحه أحقر تصريح سمعته في حياتي من واحد حاول يبقى ممثل.. واللي يبعت له سيناريو تاني يستاهل ماما تاخده وتمسح له بيه ازاز أوضته، حقيقي يا أبني أنت تستاهل المكانة اللي أنت فيها.
ويذكر أن أيمن بهجت قمر تراجع عن الهجوم على نجاتي، بعد أزمته الأخيرة وإساءة أحد الكتاب له، إذ كتب: أنا قبل كده هاجمت محمد نجاتي لما غلط في المؤلفين بشكل غير مقصود، لكن كفاية تجريح في الراجل، كلنا بنغلط وكله رزق ونصيب.
