ألقوا جثته في أحد المصارف.. اعترافات المتهمين في واقعة قتل رجل أعمال بالدقهلية
قالت التحقيقات في واقعة مقتل رجل الأعمال، على يد 3 سيدات وعامل بعد استدراجه، إنهم ألقوا جثته في أحد المصارف بميت غمر بالمنصورة بعد خنقه، بسبب مطالبة القتيل بحقه من أحد المتهمين الذي كان يجمعهما شراكة في محل أدوات منزلية منذ سنتين.
وكشفت اعترافات المتهمة الثالثة روان أحمد، بحسب التحقيقات، بأن والدتها كانت على شراكة بمحل أدوات منزلية بالمجني عليه عمروـ منذ سنتين، قائلة: كان له فلوس عند والدتي وهي مكنتش عارفة تردهاله ومن حوالي أربع شهور تقريبا جه وهددها أنه هيسجنها وهيفضحها.
وقالت خلال التحقيقات، إنه تم الاتفاق بينهم على التخلص من المجني عليه نظرًا لمطالبته بالأموال، متابعة: قررت والدتي أنها تموته علشان كل شوية بيطلب منها الفلوس، وأنا قولتها ماليش دعوة بالموضوع ده وفضلت تتخانق معايا وأنا رفضت أساعدها بعدها روحت قعدت عند خالي في القاهرة.
وأوضحت المتهمة في قضية قتل رجل الأعمال، أنها عندما عادت إلي منزل والدتها وجدت المتهمين ياسمين أسامة وحسام مجدي في المنزل، مؤكدة أنهم كانوا يتفقون على كيفية التخلص من المجني عليه، مضيفة: سبتهم ودخلت أوضتي بعدها لقيت والدتي بتقولي بأنهم هيستدرجوا عمرو وتجيبه المنزل علشان تموته، لكن في نفس اليوم اعتذر لأنه كان في مشوار.
وأكملت: والدتي فضلت تكلمه لغيت ما في يوم لقيته قدام البيت، وكانت ساعتها جايبه منوم علشان تديهوله، بعد شوية طلب يشرب عصير فراولة، وحطت له المخدر وبعد كده قاموا لفوه بالبطانية وحطوه جوه الأوضة بتاعتي.
وأردفت: خلال دقايق جه حسام للبيت ومعاه فوطة مبلولة وحطها على بقه وكتم نفسه، وفي نفس الوقت كانت والدتي ماسكه رجليه، بعد كده جه حسام عشان يتأكد أنه مات فراح حط طرحة تحت رقبته وأنا عدلتها له من تحت رقبته وهو فضل يخنقه لحد ما مات وبعد ما مات أنا خرجت بره الأوضة، وحسام راح جاب حبل الغسيل وربط أيديه ورجليه وكانوا مجهزين كرتونة تكييف وحطوه فيها الكرتونة ورموه في المصرف.
