سعد الصغير لـ أرملة شقيقه الثانية: مكنش معانا فلوس من 18 سنة.. ولو عايزة تتعالجي قوليلي
وجه الفنان سعد الصغير، رسالة إلى أرملة شقيقه الثانية محمد الصغير، بعد ادعاءاتها حول ظلمه لها وحرمانها من ميراثها وحقها الشرعي بعد وفاة زوجها.
وقال سعد الصغير لـ لقاهرة 24: أنتِ لو فعلًا متزوجة أخويا الله يرحمه هاتي القسيمة الصحيحة؛ لأن القسيمة اللي أنتِ ورتهالي قبل كده مكنتش عليها أمضت أخويا، ولو تعبانه وبتعملي كل ده علشان حد يصرف على علاجك، ممكن أصرف على علاجك معنديش مشكلة أنا بعالج ناس كتير مش هقولك لا، من غير أي حاجة.
أما عن واقعة اختطافها وإجهاض جنينها بسبب الإرث، أضاف سعد الصغير: مينفعش تقولي أنك اتخطفتي ونزل الجنين طب الجنين مالوا اللي عايز يخلص هيخلص منك انتِ مش من الجنين.
وتابع سعد الصغير: أنا هاخد حقي بالقانون وهرفع دعوى علشان بتشهري بيا.. علشان محدش يقولي أنت هتاخد حقك من ست، محمد أخويا مات معهوش فلوس؛ لأن احنا مكنش معانا فلوس من 18 سنة.
واستكمل سعد: هو حد قالها اعملي كده علشان سعد الصغير يديكي فلوس، المفروض تروح تاخد حقها الأول بإعلان شرعي وبعد كده تطلع تقول إني فعلًا ظالم ومش راضي اديها حقها، لكن هي معملتش كده عشان القسيمة معليهاش إمضاء أخويا، ومش هسيبها لأن كلامها كله كدب.
